Hvat sigur revurin?

Rannvá Egholm

rannva@roddin.fo

Íblásturin fingu beiggjarnir Vegard og Bård Ylvisåker frá barnasanginum, har mann spyr, hvussu djórini siga. Sangurin varð gjørdur til talkshowið, I kveld med Ylvis, hjá TVNorge, har beiggjarnir eru vertir, og hevði tað endamál at promovera nýggju partarnar hjá shownum. Videolagið var lagt út á Youtube sama kvøldið, 3. september, sum talkshowið hevði verið, og show og Ylvisbeiggjarnir eru nú heimskend við sanginum „The Fox“, har teir syngja um, hvussu revurin sigur.

Ætlanin var fyrst og fremst bara at raka norskar hyggjarar og at undirhalda teir eina løtu, men nú hevur sjónvarpssrásin Fox nýtt sangin í einari lýsing hjá teimum, og eisini hevur sjónvarpsvertinnan, Ellen DeGeneres, havt norsku beiggjarnir á vitjan í hennari showi. Síggi interviewið við Vegard og Bård Ylvisåker á Ellen her.

Í fjør kom eisini ein sangur út á tónleikamarknaðin, sum fekk nógva umtalu, og har hyggjaratalið eisini skjótt fleyg høgt upp. Nógv samanlíkna The Fox hjá Ylvis við Gangnam Style hjá PSY, og spennandi verður at vita, um hesin sangurin eisini fer at koma upp á nærum 2 milliardir hyggjarar.

Her kanst tú hoyra sangin The Fox - Ylvis.