Nýggj starvsfólk á Röddini!

Síðstu mánaðirnir, síðan vit um miðjan juli endiliga lanseraðu Röddina, hava gingið við rúkandi ferð, og vit fegnast nú um at kunna bjóða tveimum starvsfólkum afturat uppí redaktiónina. Hesi eru Una Nielsdóttir Galán og Pætur Hjalmar Evensson, og tey fara framyvir at skriva tíðindi og greinar á Röddini. 

Pætur er 19 ár, gongur í 3.g í Hoydølum og er hálvur hvalbingur. 

Una er 17 ára gomul. Í frítíðini dámar henni væl at skriva, taka myndir, spæla bass og nógv annað. Eisini er hon ein av bloggarunum handan Fjøllini Dansa. 

Röddin bjóðar Unu og Pætur hjartaliga vælkomnum!