Voxpop: Nýggj útvarpsrás í høvuðsstaðarøkinum

Vox Entertainment er nú farið í gongd við eina nýggja verkætlan. Felagið, sum eisini skipar fyri tónleikatiltakinum Voxbotn á hvørjum sumri, er nú byrjað at varpa tónleik, og nýggju rásina rópa tey Voxpop.

Rásina finnur tú á FM 104.1, men í fyrstu syftu er bara møguligt at hoyra rásina í høvuðsstaðarøkinum. Nýggja rásin Voxpop fer at senda tónleik alt samdøgnið, og, sum navnið eisini leggur eitt sindur upp til, so verður tað popptónleikur og nýggjastu hittini úr Føroyum og útlondum.

Desember verður royndarmánaði, og tað verður bert tónleikur á skránni. Í januar eru tó planurin at hava morgunsendingar, seinnapartsendingar og vikuskiftissendingar.