Reiðrið hesa vikuna: Orka, jólamálmur og Dávur Djurhuus

Á skránni í Reiðrinum hesa ferð var tónleikur og filmur. 25 ára gamli Dávur Djurhuus, sum vann føroysku filmsvirðislønina Geytan, greiðir frá áhuga sínum fyri filmslistini, og hví tað ikki bara er sum at siga tað at skapa ein góðan film. 

Eisini seta vit sjóneykuna á føroyskan tungmálmstónleik og práta við Teitur Fossaberg, sum er formaður í Upp við Hornunum. 

Í telefonini úr London greiðir Jens L. Thomsen frá fjórðu fløguni hjá Orka, sum kemur út í vár. 

Eir Nolsøe legði sendingina til rættis. Reiðrið verður aftur at hoyra 5. januar við tveimum nýggjum vertum. 

Hoyr sendingina her!