Kommunur bjóða lestrarhøli til lesandi

Hóast tað er jólaferia, hava nógv lesandi uppgávur at skriva og próvtøkur í januar at fyrireika seg til. Bæði útisetar og lesandi í Føroyum hava í ár møguleikan at seta seg í frið og náum at skriva uppgávur í lestrarhølum, sum fleiri kommunur hava útvegað. Í Havn er Lestrarhúsið í Niels Winthersgøtu 5 í miðbýnum opið frá kl 08 til 20 hvønn dag. Lestrarhúsið er opið til 24. januar, og lyklar kunnu fáast í Snarskivu.

Eisini í Sandavági og á Tvøroyri eru líknandi tilboð til lesandi í ár. Í Sandavági kunnu lesandi sita á loftinum í kommunuskrivstovuni á Hammershaimbsvegi 1. Har eru skúlastovur, køkur og internet. Lykil fæst við at venda sær til kommununa. Á Tvøroyri er lestrarhølið í Skúlahúsinum í Kongabrekku 14. Lesandi kunnu venda sær til Kunningarstovuna á info@tvoroyri ella á tlf 611080.