Bieber av álvara givin?

Teir sokallaðu ”beliebers” kring heimin fingu 1. jóladag eina heldur óvæntaða og syrgiliga jólagávu. Tannáringaímyndin, Justin Bieber, gav nevniliga tey boðini á Twitter, at hann leggur mikrofonina í skuffuna.

Tað kom tó ikki so óvæntað, tí longu eina viku áðrenn, segði hann í einari samrøðu, at hann gavst við tónleikinum, men tá hildu øll, at tað bara var tvætl.

Enn vilja fleiri, sum leggja í, vera við at hetta bara er ein stór lygn, meðan onnur gleðast um, at hann er farin av tónleikapallinum. Mann veit ikki, um grundin til hetta er øll mótstøðan, hann hevur fingið seinastu tíðina serliga, ella um hann bara er blivin eldri.

”Mínir elskaðu beliebers… eg trekki meg officielt aftur” stóð at lesa á Twitter-síðu hansara 1. jóladag.