Miðbýurin slóknar í annaðkvøld

Aftur í ár verður Tórshavnar Kommuna ein partur av altjóða átakinum 'Earth Hour 60'. Àtakið gongur út uppá at sýna umhvørvinum ans, og tað verður gjørt við at sløkkja ljósini í ein tíma. Kommunan syrgjur fyri, at miðbýurin verður myrkur, og mælur øllum borgarum til at vera við í átakinum.

- Øll kunnu taka lut í tiltakinum henda tíman. Tú kanst melda teg til tiltakið á Facebook - eisini um tú ætlar at verða heima hetta kvøldið, men kortini ætlar at sløkkja ljósið, skrivar Tórshavnar Kommuna á torshavn.fo. 

Ljósið verður sløkt í annaðkvøld, 29. mars frá klokkan 20.30 til 21.30. Kommunan bjóðar til heitt kakao á vaglinum, og Margarinfabrikkin fer at syrgja fyri tónleiki og dansi.