Pálsklæðir á FRIGG

Básarnir eru eitt slag av sýnisglugga, har fólk kunnu síggja og keypa ymiskt frá teimum.

Í einum av básunum standa fólkini handan Sirri, Karin og Árni Brattaberg við nýggju klædnarøðini Pálsklæðir.

Klædnarøðin skal varpa ljós á nýggju svimjihøllina í Vági.

- Hugskotið kom, tí at nógv av arbeiðinum til hylin er sjálvboðið, og vit hugsaðu, at við klæðum kunnu vit varpa ljós á nýggja hylin í Vági, sigur Karin Brattaberg.

Tey hava miðað ímóti einum klassiskum sniði við sterkum litum, sum øll kunnu brúka.

20% av øllum tí, sum verður selt av Pálsklæðum fer til Pálshøll.

- Pál er komin so langt, sum hann er, og tí vilja vit stuðla.