Malk de Koijn fluttir oman á Sandin

Grundin bleiv fyri stuttum prydd við eyðkenda danska hiphop-bólkinum, Malk de Koijn. Men tá almenna skráin kom út í dag, sást, at Malk de Koijn heldur spæla á Sandinum enn Grundini.

Orsøkin til tess eru herd basskrøv frá donsku rapparunum. Høvuðspallurin á sandinum kann bjóða væl betri tøkniliga útgerð enn Grundin kann. 

- Vit hava annars fingið ótrúliga nógvar og góðar afturmeldingar um Malk De Koijn, so vit eisini noyðast at staðfesta, at Grundin er í minna lagið til teirra, sigur Rasmus Borðoy í tíðindaskrivi í dag.

Dreingirnir úr Malk de Koijn hava í 20 roynt nógvar pallar gjøgnum teirra leið. Í 2012 spældu teir á Orange Scene á Roskilde Festivalinum. So tað er ikki løgið, at teir hava nøkur smærri krøv. 

Tue Track, Geolo G og Blæs Bukki eru nøvnini handan bólkin. Teir hava verið stillir seinastu árini, men í 2009 trinu teir á pall á Roskilde Festivalinum, og 2 ár seinni kom fløgan, Toback to the Fromtime, út. 

Øll skráin til G! er her