Ása Maria og Valdis: G! Jomfrýr

-Vit hava fleiri ferðir hoyrt vinfólk tosa um G!, men hava tó ongantíð rættiliga tikið okkum saman at farið, men í ár skuldi tað verða.

Tað er faktiskt akkurát sum vit høvdu væntað – super festligt og lívligt

-Tað feitasta við G! er nokk hýrurin. Tað, at man bara chillar í gummistivlum og føroyskari troyggju, tað er bara so deiligt!

Hóast festivaløkið ikki lat upp fyrr enn í dag, so hava Ása Maria og Valdis, av álvara, notið hugnaliga festivalhýrin á tjaldingarøkinum.

-Festivaløkið lat upp í dag, men vit báðar kunnu heilt víst ásanna, at tað er nógv stuttligari á tjaldingarøkinum; her er veruliga lív í!

At enda hava vælhýrdu G! jomfrýrnar trý musthaves, sum tær halda eru alneyðug at hava við á G!

1. Sólbrillur – Tá sólin skínur er einki betur!

2. Vatn – Tá tú vaknar í tjaldinum, eftir eina harða nátt, so er tað super uppfrískandi.

3. Gummistivlar – Teir eru hentir, og fullfíggja tann perfekta festival búnan.