Republikanarar vinna amerikanska miðvalið

Í nátt varð tað greitt, at Republikanarar bæði hava meiriluta í umboðsmannatinginum og í senatinum.

Áðrenn amerikanska miðvalið spáddu tey flestu, at Republikanarar framhaldandi fóru at hava meiriluta í umboðsmannatinginum; harafturímóti lá spenningurin í, um Demokratarnir fóru at missa fleirtalið í senatinum, og tað gjørdu teir. Nú hava Republikanarar bæði meiriluta í umboðsmannatinginum og í senatinum.

Serfrøðingar meta, at hetta ikki fer at hava so stóra ávirkan á amerikanskan politikk. Tó fer hetta úrslitið at minka um valdið og møguleikarnar tey næstu tvey árini hjá amerikanska forsetanum, Barack Obama, skrivar DR.