Tí eru vit ov sein

Øll kunnu vera ov sein av og á, men nøkur hava lyndi til at verða í minsta lagi fimm minuttir ov sein til alt. Sambært nýggjum kanningum, so er hetta ein viðføddur partur av persónligheitini hjá summum.

Sambært granskarum duga summi rætt og slætt ikki at meta um, hvussu langa tíð ørindir og uppgávur taka. Somuleiðis vísa kanningar, at fólk, ið vanliga møta ov seint, í miðal undirmeta, hvussu langa tíð ørindi taka við heili 40 prosentum.

Eisini bendi ein kanning frá 2001 á, at fólk, ið sum heild hava ein avslappaðan hugburð í dagligdegnum, møta oftari ov seint enn fólk, ið eru vanabundin og framsøkin.

Harafturat er munur á, hvussu hesar báðar týpurnar merkja tíð. Fyri stundislig fólk kennist ein minuttur í miðal sum 58 sekund, meðan hann fyri sein fólki kennist sum 77 sekund.

Telist tú millum tey, ið hava trupult við at møta til tíðina, so eru nakrar venjingar, sum tú kanst gera fyri at betra um tína uppfatan av tíð.

Les meira um tær her

Kelda: www.sciencealert.com