Vit skilja væl, hví fólk flenna, vit flenna eisini sjálvar

<p>Eitt sjónband, har alt ikki gongur sum ætlað, tá nakrar føroyskar gentur skulu senda eina rakett upp, er farið um allan heimin. Sjónbandið er deilt á ymsum<span style="line-height: 1.6em;">&nbsp;heimasíðum og hevur fingið fleiri milliónir klikk tilsamans. Kira Louise Danielsen var við í hendingini saman við systrunum, nøkrum vinkonum og brúðrini.&nbsp;Kira greiðir soleiðis frá hendingini:</span></p>

<p>&nbsp;</p>

<p>&nbsp;</p>

<p><span style="line-height: 1.6em;">- Tað&nbsp;byrjaði við, at eg fyri nøkrum árum síðani legði videoklippið&nbsp;út á Youtube.&nbsp;Pápi mín&nbsp;tók klippið&nbsp;upp av okkum. Vit hildu polterabend&nbsp;fyri&nbsp;systkinabarni&nbsp;mínum. Vit byrjaðu dagin klokkan&nbsp;10 á morgni, har vit gjørdu ymist saman. Síðani endaðu vit uppi hjá okkum, har vit fingu okkum drinks og skuldu síðani skjóta hesa rakett upp. Rakettin stóð&nbsp;og bíðaði í eini fløsku, og systir mín festir eld á, og rakettin rýkur upp undir takrennuna og síðani niðuraftur og BOOM.</span></p>

<p>&nbsp;</p>

<p><strong>Byrjaði á Liveleak.com</strong></p>

<p>Sjónbandið hevur verið goymt burtur leingi, men onkur hevur síðani likið tað út.</p>

<p>&nbsp;</p>

<p>- Eg sendi tað&nbsp;til Americas Funniest Homevideos, bert til stuttleika. Tey ringdu síðani til mín og søgdu, at tey vildu gjarna brúka hetta video til teirra sending. Eg mátti tí gera videoklippið&nbsp;privat á mínum Youtube.</p>

<p><br />
- Síðani hevur onkur tó fingið&nbsp;fatur á videoklippinum&nbsp;og lagt tað&nbsp;út á Liveleak.com. Tað&nbsp;var har, tað&nbsp;byrjaði at breiða seg á alnótini.&nbsp;Tað&nbsp;kom á forsíðuna hjá Break.com og á ymsar aðrar heimasíður.&nbsp;</p>

<p>&nbsp;</p>

<p><strong>Vit taka tað við einum smíli</strong></p>

<p>Genturnar halda allar, at tað er stuttligt, at klippið er komið so langt runt um í verðini.</p>

<p><br />
- Onkur valdi at viðgera videoklippið,&nbsp;við&nbsp;at leggja ljóð&nbsp;til. Har verður tað&nbsp;lagt út, vid at røddin er gjørd arabisk og&nbsp;rópt verður 'Allahu Akbar'. Tann útgávan bleiv løgd út á eina Facebook síðu í gjár&nbsp;og hevur&nbsp;nú út ímóti 800&nbsp;túsund views.&nbsp;</p>

<p>&nbsp;</p>

<p>- Vit skilja væl, hví fólk flenna, vit flenna eisini sjálvar. Vit halda, at tað&nbsp;er stuttligt at lesa viðmerkingarnar, sum fólk hava skrivað&nbsp;undir klippinum. Hóast summi eru eitt sindur frek, taka vit tað&nbsp;við&nbsp;einum smíli.&nbsp;</p>

<p>&nbsp;</p>

<p><strong>Blondinur við stóra B</strong><br />
- Tað&nbsp;festligasta av øllum er, at júst tað&nbsp;sama hendi fyrr um dagin&nbsp;sama dag. Hetta var uttan fyri húsini&nbsp;hjá brúðrini, har rakkettin fór upp undir takrennuna og niður aftur á jørðina og BOOM. Hetta var ikki líka ógvusligt&nbsp;og kom ikki upp á film. So vit eru blondinur vid stóra B.&nbsp;Hevur onkur brúk fyri hjálp til at senda rakettir upp... og niður,&nbsp;eru vit altíð&nbsp;til reiðar.</p>

<p><br />
-&nbsp;Vit høvdu sjálvandi skálað gjøgnum dagin, so tað&nbsp;er nokk ein partur av orsøkini til, at hetta endaði, sum tað&nbsp;gjørdi vid rakettunum. Tí halda vit, at yvirskriftin: 'Blond Babes and Fireworks, do not mix. Hevði hóskað betur sum: 'Drunk girls and Fireworks, do not mix.<br />
&nbsp;</p>

<p>&nbsp;</p>

<p>&nbsp;</p>

<p><iframe allowfullscreen="" frameborder="0" height="345" scrolling="no" src="http://www.liveleak.com/ll_embed?f=94f3671f97c3" width="613"></iframe></p>

<div>&nbsp;</div>