ISIS beinir fyri heimslist

Í gjár var eitt filmsbrot útgivið, har ið ISIS limir smildra elligamla assýriska list í einum forngripasavni í Mosul og gamlar standmyndir í fornfrøðiliga útgravingarstaðnum í Nineveh.

Upptøkurnar vísa, hvussu ISIS limir oyðileggja listlutirnar við borimaskinum og stórum hamarum. Nógvir av lutunum stava heilt aftur frá 9. øld undan okkara tíðarrokning.

Eisini hevur Islamiski Staturin brent fleiri bókasøvn við gomlum bókmentum, ið teir ikki hava mett at liva upp til teirra tulking av Islam.

Fornaldarfrøðingurin Ingolf Thuesen, ið er leiðari á tvørmentanarligu granskingardeildini á lærda háskúlanum í Keypmannahavn, samanber hetta við hendingina í 2001, tá Taliban beindi fyri gomlu Buddha standmyndunum í Afghanistan.

- Hatta er ófatiligt. Tað svarar til at oyðleggja Eiffel-tornið í París ella obiliskarnar í Egyptalandi. Tað er ein ómetaliga stórur siðsøguligur missur, sigur Thuesen í eini samrøðu við DR.

Sí skelkandi filmsbrotið her.
 

Kelda: DR