McCartney á Roskilde

Tann 72 ára gamli tónleikarin Paul McCartney verður eitt av størstu nøvnunum á Roskilde Festivalinum í ár. Hetta skriva DR.

Rockveteranurin hevur ikki spælt á everopeiskum festivali í fimm ár, so hann gleðir seg nógv til at spæla á Roskilde.

- Eg havi hoyrt, at hýrurin á festivalinum er fantastiskur, so vit gleða okkum. Tað er langt síðan, at vit hava verið í Danmark, so tit kunnu væl byrja at gera tykkum klár til at rocka! Skrivar Paul McCartney í einum tíðindaskrivi.

Skrástjórin á Roskilde Festvalinum Anders Wahrén er sera spentur og sigur:

- McCartney er í toppformi nú, og hann hevur eitt band við sær, sum hann hevur spælt saman við í 13 ár. Harafturat hevur hann eina ørgrynnu av góðum pop- og rocksangum, ið eru av mest elskaðu sangunum nakrantíð.

Roskilde Festivalurin verður frá 27. juni til 4. juli.