Tí skalt tú sova nakin

Tá ið Marilyn Monroe varð spurd, hvørjum hon svav í um náttina, svaraði hon: bara Chanel №5. Sjálvt um hetta ljóðar væl, so er tað eisini vísindaliga prógvað, at tað er sunt at sova nakin, skrivar Femina.

- Tín kropshiti skal fella um náttina, soleiðis at tú betri kann framleiða svøvnhormonið melatonin. Men hetta verður hindrað, um tú ert ílatin, sigur serlæknin Jan Børger.

- Um tú harafturímóti ert úrlatin, ja, so kanst tú vænta tær ein munandi betri náttarsvøvn, sum eisini økir um lívskvalitetin, sigur hann. Jan Børger leggur aftrat, at tann betra hitareguleringin í kroppinum lækkar framleiðsluna av strongdarhormonum, sum viðførir meira orku og yvirskot um dagarnar.

Her eru tríggjar góðar grundir til at sova nakin:

1. Um tú svevur úrlatin, so letur tú kroppin anda, sum er ein stórur fyrimunur fyri tínar kynslimir. Hiti tiltrekkir nevniliga fukt og kann viðføra sopp og infektión í undirlívinum.
2. Tá ið tú ikki pakkar teg inn í náttklæðir, ja, so kanst tú snorka teg til eitt betri stoffskiftið. Ein lægri kropshiti um náttina viðførir nevniliga, at forbrenningin í kroppinum styrkist.
3. Sex- og samlívið verður betri av at sova húð ímóti húð, tí hetta økir framleiðsluna av oxytocin, ið stimbrar sambandskensluna ímillum tykkum og økir um hugin til sex.