Mr. Burns kemur aftur

Nógvir fjepparar av The Simpsons fingu ein kvøkk í mai, tá sjónleikarin, Harry Shearer, kunngjørdi á Twitter, at hann ikki longur fór at vera ein partur av Simpsons-toyminum.

Shearer hevur nevnliga síðani 1989 lagt rødd til heilar 22 av leiklutunum í røðini, m.a Mr. Burns, Ned Flanders, Smithers og Principal Skinner. Fleiri hildu tí, at teknirøðin nú fór at hava trupult við at klára seg uttan Shearer og øtaðust fyri at hetta var endin á The Simpsons.

Les Eisini: 22 Leiklutir úr The Simpsons hóttir

Fjepparar kunnu nú anda lættan, tí nú er blivið almannakunngjørt, at Shearer aftur verður ein partur av toyminum og kemur at leggja rødd til somu leiklutirnar. 27. sesong av The Simpsons byrjar 27. septembur í ár, og hóast teir fyrstu partarnar longu eru gjørdir, so verður Shearer eftir ætlan at hoyra aftur í seinny helvt av sesongini. 

Sjónleikarin hevur skrivað undir eina kontrakt, ið bindur hann til at leggja rødd til fýra sesongir aftrat, og sær tað sostatt út til, at Mr. Burns, Flanders og Skinner enn hava fleiri góð ár fyri framman: