Emmy 2015: Game of Thrones toppskorari

Game of Thrones liggur á odda, men American Horror Story, House of Cards og Mad Men renna beint í hølunum

17.07.2015 - 14:45

Heili 24 tilnevningar hevur Game of Thrones fingið.

Fólkini aftan fyri Emmy Awards 2015 hava júst avdúkað tilnevningarnar fyri 2015, og her er Game of Thrones toppskorari, skrivar Politiken.

Sendirøðin er nevniliga tilnevnd ’Besta dramarøð’, ’Besta handrit’ og ’Besta leikstjórn’. Harumframt eru leikararnir Lena Headey, Emilia Clarke og Peter Dinklage tilnevnd sum ávikavist ’Besti kvinnuligi hjáleiklutur’ og ’Besti mannligi hjáleiklutur’.

American Horror Story og Mad Men í hølunum

Við 19 tilnevningum hevur ræðurøðin, American Horror Story, næstflest tilnevningar til Emmy Awards 2015. Beint í hølunum koma House of Cards, Mad Men og Transparent við 11 tilnevningum hvør.

Men um mongu tilnevningarnar føra til veruligar virðislønir, er enn óvist. Vinnararnir verða avdúkaðir til stóru gallaveitsluna 20. september.

Til ber at síggja allar tilnevningarnar her.

	Sissal bloggar: #2. partur	Sissal Drews Hjaltalin bloggar frá Cannes-festivalinum
	Sissal bloggar: #1. partur	Sissal Drews bloggar frá Cannes-festivalinum
	Topp 10: Mest lisnu greinar á Röddini 2018	Her er ein listi yvir mest lisnu greinarnar í 2018
	Sigarettirnar eru skiftar út við snús	Fólkaheilsuráðið gav fyri stuttum út nýggja Gallup-kanning, sum vísir, at føroyingar roykja minni enn nakrantíð. Sambært kanningini roykja 25 % av...
	Jólakalendarin: tiltøk í desember	Tað eru sjálvandi eisini nógv tiltøk á skránni hendan jólamánaðan.