Hesar útbúgvingar hevur tú enn møguleika at sleppa inn á

Á miðnátt 29. juli kundi tú síggja, um tú vart komin inn á dreymaútbúgvingina ella ikki.  Ert tú milum tey óhepnu 22%, sum ikki sluppu inn á ynsktu útbúgvingina, stúr ei. Tí tú hevur enn møguleika at søkja inn á útbúgvingar við leysum plássum, og listin er langur. 

Ein listi kemur út hvørt ár, tá upptøkan til framhaldslesnað er endað. Øll, sum lúka upptøkukrøvini, kunnu søkja á teimum leysu plássunum. Tað kunnu vera leys pláss á somu útbúgving, tú hevur søkt, men á einum øðrum útbúgvingarstaði. Tað kunnu eisini vera pláss á útbúgvingum, sum minna um útbúgvingina, tú longu hevur søkt.

Millum útbúgvingarnar á listanum kanst tú finna:

• Musikvidenskab - Københavns Universitet
• Informationsvidenskab og Kulturformidling - Københavns Universitet
• Telogi - Københavns Universitet
• Religionsstudier - Syddansk Universitet
• Økonomi - Syddansk Universitet
• Humanistisk-teknologisk bacheloruddannelse - Roskilde Universitet
• Idræt - Aalborg Universitet
•  Politik og Administration - Aalborg Universitet
• Folkeskolelærer - Professionshøjskolen Metropol, Fredriksberg

Tú kanst síggja allan listan á Ufm.dk/ledige-pladser, og her kanst tú eisini finna eitt umsóknarblað.

Tað verður viðmælt tær, at tú søkir skjótast gjørligt, tí plássini fara so við og við. Síðan verður dagførd hvønn fimta minutt.