Royn teg sum listafólk

Í dag kanst tú seta tíni fingramerki á listina í Tórshavnar kommunu. 

Plattar og ymiskt tilfar, sum hjá summum kanska sær út sum órudd, er sett upp við kioskina hjá Astu. 

Hetta er kent frá G! Festivalinum, og tað er eisini har, Marita Svartá og Sissal Fossaa hava fingið íblástur til hetta fyribils listaverkið, sum borgararnir sjálvir sleppa at prýða. Máling og penslar eru á staðnum. Tú skalt bara møta upp í málingaklæðum og nýta títt hugflog. 

Tú kanst royna teg sum listafólk í dag frá kl. 11 til 15.