Lektiuhjálp á Býarbókasavninum

Fleiri skúlar hava bjóðað næmingum lektiuhjálp eftir skúlatíð, og nú bjóðar Býarbókasavnið eisini lektiuhjálp. Bókasavnið fór fyrstu ferð undir tiltakið síðsta ár, tá ið Ida og Sigrið hjálptu næmingum við skúlatingum.

Í ár geva Sigrið og Katrin næmingum lektiuhjálp mánadag og mikudag kl. 16.30-18.00.

Sigrið Guðjónsson og Katrin Dahl Hanusson eru 19 og 20 ára gamlar og blivu studentar í 2015. Tær eru ávikavist málsligur og støddfrøðiligur studentur og hava royndir sum lektiuhjálparar frá studentaskúlanum í Hoydølum.

Hjálp fæst til vanlig skúlating og uppgávur. Tey, sum ganga í 3. s, eru farin í gongd við høvuðsuppgávuna, og eisini her er hjálp at fáa frá lektiuhjálparunum til uppgávuskriving og uppseting av uppgávuni. Og á bókasavninum er sjálvandi eisini wifi, bøkur og bókavørðir.