Tú ansar honum, hann ansar bróstunum

Niðanfyri eru nøkur ‘tips’, sum vísa á, hvussu brósthaldarin skal viðfarast.

1. Í øllum brósthaldarnum er ein vegleiðandi merkiseðil, ið vísir, hvussu hann skal vaskast. Summir kunnu vaskast í vaskimaskinuni, meðan aðrir skulu vaskast við hond.

2. Svart og hvítt skal vaskast hvør sær, somu reglur eru galdandi fyri brósthaldarar – minst til, hvat mamma plagdi at siga!

3. Ikki koyr push-up brósthaldarar í turkitrumluna, men lat teir torna á snórinum.

4. Skúmið í teimum oyðilegst nemliga, um tú koyrir teir í trumluna.

5. Goym teir í eini skuffu, soleiðis at skálin á tí aftara liggur inn ímóti skálini á tí fremra. Soleiðis halda teir sær í tí rætta skapinum.

6. Ikki brúka tann sama brósthaldaran fleiri dagar á rað. Syrg fyri at hava fleiri, soleiðis at tú nærum dagliga kanst skifta ímillum.

7. Tann reglan, ið er mest umráðandi, er at lata seg í brósthaldaran á rættan hátt. Hygg her og syrg samstundis fyri, at tú letur teg rætt í hann.