- Tíðindi, mentan og ítróttur
Til kallarnar - klædningar og klassi
![](https://kvf.fo/sites/default/files/styles/grein-forsida-stor/public/suit_up.jpg?itok=tqoLMglM)
Skjúrtan
Tá ið tú stendur uppi, skal skjúrtukragin vera uml. 1/2 cm uppi yvir klædningskraganum.
Tá ið tú setur teg niður, flytur klædningskragin seg eitt sindur uppeftir. Hetta er fyri at fyribyrgja, at skjúrtukragin ikki hvørvur undir klædningin.
Skjúrtan skal eisini koma uml. 1,5 cm undan klædningsermuni, tá ið tú stendur uppi.
Akslarnir
Syrg fyri at akslapútan hevur eitt lítið skrátt hall omaneftir. Hetta er sera umráðandi. Ikki keypa klædningin, um hann ikki situr pent um akslarnar.
Aftanfyri
Jakkin skal einans dekka tann ovara bakpartin. Ver vísur í, at hann ikki er ov langur!
Tú kanst hava ein, tveir ella ongan skurð.
Ein skurður er tann mest vanligi og eisini tann bíligasti at framleiða.
Sølumenn vilja tó vera við, at tveir skurðir rigga betri til flestu kropsbygnaðir. Tá eru klædningarnir ofta eitt sindur dýrari.
Kragahornini
Kragahornini hava ymisk sløg. Tey vanligu eru "notch".
Tey, sum hava oddar, eru vanliga til hátíðarlig høvi.
Buksurnar
Buksurnar skulu sita um miðjuna - ikki mjadnarnar.
Buksurnar skulu eisini vera í rættari longd. Ikki ov síðar, men heldur ikki ov langar.
At hava eitt sindur til yvurs gevur ein penan dám, men máti skal vera við.
Buksurnar í ovara, høgra horni eru ov stuttar, meðan bukusrnar í niðaru høgru kanska eru nakað síðar.
Buksurnar skulu hanga slætt niður eftir lørunum, uttan at bungur eru í. Vøddamiklir dreingir noyðast møguliga at fáa tær sergjørdar.
Strikurnar frammanfyri
Tað velur ein sjálvur. Tvær strikur gera buskurnar meira rúmligar, og velja eldri ella størri menn ofta hesa loysnina. Ein strika er ofta til yngri menn, ella til ein klænri kropsbygnað.
Tá ið tú hevur buksufaldarar, velur tú onga striku.
Skal eg hava buksufaldarar ella ikki?
At hava buksufaldarar er mest upp til ein sjálvan. Tað kann rigga væl og sendir ein boðskap út, at tú vilt gera eitt sindur eyka fyri at síggja gott út.
Tað er tó ikki neyðugt og verður lítið nýtt í dag.
Ongantíð knappa niðara knappin á jakkanum!
Niðari knappurin skal ikki knappast. Tá ið tú setur teg niður, knappa tá upp, soleiðis at jakkin ikki førkar seg uppeftir.
Tú fært jakkar, sum hava 1, 2, 3 ella fleiri knappar. Tann mest vanligi er við tveimum knappum, tí hann riggar til flestu kropsbygnaðir.
Tann næst best umtókti er tann við trimum knappum. Tá ið tú skalt í smoking, hevur jakkin ofta einans ein knapp.
Sokkarnir
Meginreglan er, at sokkarnir skulu vera sama lit sum buksurnar.
Tó, um tú hevur dirvi, so kanst tú vera eitt sindur øðrvísi og passa teir til okkurt, sum er omanfyri beltið t.d. skjúrtuna, slipsið, seðlarnar ella puffaran.
Hetta riggar tó ikki altíð. Vilt tú vera tryggur, vel so meginregluna.
Beltið skal passa til skógvarnar
Undantikið er tó, um tú ert í hvítum skóm. Tá kann tað gerast ov nógv.
Samsvar millum metallini
Metallið á beltinum, á skónum (um tú hevur tað), á seðlunum og masjettknappar skulu vera av sama slagi. Tú kanst ikki hava gull, silvur, hvítagull o.s.fr.
Ur er ein lekkur detalja, sum færri og færri leggja í nú á døgum. Urið noyðist ikki at vera sama lit sum metallið á seðlunum, masjettknappunum o.s.fr., tó so riggar tað ofta betur.
Slipsið
Ein penur og vanligur knútur er "Windsor" knúturin.
Eitt filmsbrot, sum vísir, hvussu tú bindur knútin, sæst her.
Puffari
Ein puffari sær altíð gott út. Hann noyðist ikki at passa til nakað serligt.
Hann kann passa til skjúrtuna, slipsið, seðlarnar, sloyfuna o.s.fr.
Til høgru er mynd, sum vísir tann mest vanliga háttin at falda hann.
Klædningurin skal sita pent
Nógv ráð eru omanfyri, hvussu klædningurin skal sita um akslarnar. Hvussu langar buksurnar skulu vera. Hvussu nógv av skjúrtni skal kaga undan ermuni o.s.fr.
Ein sær tó eisini í speglinum, hvussu klædningurin sær út sum heild.
Hann skal ikki vera ov strammur, men heldur ikki ov leysur í tí (hetta er serliga ein trupulleiki hjá amerikanarum). Niðanfyri sæst Daniel Craig. Hesin klædningurin situr sera pent.
Tá ið tú ert í einum penum klædningi, leggja fólk ikki neyðturviliga merki til, at klædningurin er flottur. Tey leggja til merkis, at hesin persónurin sær snøggur út.
Hesin klædningurin riggar stak væl.
Akslarnir sita pent, hann knappar einans ein knapp, skjúrtan vísir seg við ermuna, buksurnar detta pent omaneftir og tær liggja pent ímun til skógvarnar.
Vevnaðurin
Hvønn vevnað skal eg keypa?
Tríggir vanligir litir eru:
- Navi Blue
- Svart
- Charcoal grátt
Hesir eru allir rættiliga vanligir litir, og kunnu hesir serliga viðmælast til teir fyrsta klædningarnar.
Tá ið tú eigur ein ella fleiri av hesum, kanst tú royna teg við øðrum litum, og enntá mynstrum í vevnaðinum.
Hetta eru einans leiðbeiningar, og tú hevur sjálvandi loyvi at víkja frá og vera kreativur.
Nøkur fólk eru ósamd við nakrar leiðbeiningar. Sum sagt eru alt hetta bert óformellar reglur.
![]() |
Sissal bloggar: #2. partur | Sissal Drews Hjaltalin bloggar frá Cannes-festivalinum |
![]() |
Sissal bloggar: #1. partur | Sissal Drews bloggar frá Cannes-festivalinum |
![]() |
Topp 10: Mest lisnu greinar á Röddini 2018 | Her er ein listi yvir mest lisnu greinarnar í 2018 |
![]() |
Sigarettirnar eru skiftar út við snús | Fólkaheilsuráðið gav fyri stuttum út nýggja Gallup-kanning, sum vísir, at føroyingar roykja minni enn nakrantíð. Sambært kanningini roykja 25 % av... |
![]() |
Jólakalendarin: tiltøk í desember | Tað eru sjálvandi eisini nógv tiltøk á skránni hendan jólamánaðan. |