Stuttligastu apríl-søgurnar

2. apríl er í dag, so nú er tað ikki heilt í lagi longur at ganga og lúgva fleiri ferðir um dagin. Tað var tað í gjár, og apríl-søgurnar komu úr øllum ættum bæði frá feløgum, fyritøkum, tíðindamiðlum og privatpersónum. 

Politiskt stríð í Gundadali í kvøld

133042_r_705_0.jpg

Í sambandi við dystin í fyrsta umfari um Løgmanssteypið í gjár millum Undrið FF og KÍ legði Norðlýsið grein út við myndini og yvirskriftini omanfyri. Ætlanin var, at Norðoyggjar og Eysturoyingar skuldu hava mótmælistiltøk móti fiskivinnuni í Tórshavn, har øll møtast í Gundadali til dystarbyrjan. Ovurstórur stuðul til KÍ og Aksel V. Johannesen, sum ger comeback!

Lesið alla apríl-søguna her. 

Sakaris Stórá hevur umskrivað "Ein Dagføring" til leikrit!

17760445_10211565197873102_781734124_n.jpg

Seinnapartin í gjár legði Sakaris Stórá hesa myndina út á sín Instagram vanga. Ungdómsbókin eftir Hanusi Samró er nú eftir seks vikur endiliga liðugt umskrivað til leikrit. 

- Vit vænta at gera upptøkurnar í næsta summar og satsa uppá at gera tað heilt uttan almenna fígging, skrivar Sakaris Stórá. 

Nýtt kurvabóltsfelag í Giza Hoyvík!

17632158_1246504892085858_1628079482896522109_o.jpg

Tað kom fram á Facebook-síðuni hjá fótbóltsfelagnum Giza Hoyvík í gjár, at nú er systirfelag stovnað afturat Giza Hoyvík. Talan er um kurvabólt, og myndin omanfyri er búmerkið. Sí uppslagið her.