Skrivað hava: Rannvá Dahl Hanusson og Róar Mørkøre Hansen

Hvat er screwgongan?

Screwgongan er ein skrúðgonga á G! festivalinum, sum byrjar á teltøkinum í Norðugøtu. Síðani verður gingið til festivaløkið í Syðrugøtu. Tað er G! Street Team, sum skipar fyri gonguni.

-Fólk lata seg í festligt “dikkedar” til gonguna, og ársins camp á G! økinum verður kosin. Á skrúðgonguni koyrir ein lastbilur fremst við livandi tónleiki, sigur Eliana.

Hvat er endamálið screwgonguni?

Eliana sigur, at høvuðsendamálið við skrúðgonguni er at samla øll á teltøkinum til eina hugnaliga løtu, og samstundis at fáa fólk yvir á festivaløkið. Tað er eisini týdningarmikið at kunna hava tað stuttligt ímeðan. Syngja, dansa og práta við onnur.

Hvussu eydnaðist í ár?

-Screwgongan í ár var ordiliga góð og eg haldi, at hon var nógv betri enn fyrrverandi árini á G! festivalinum. Sjálvt fólk, sum ikki búgva á tjaldøkinum møttu upp til gonguna fyri at vera við, sigur Eliana.

Fólk vóru øgiliga við uppá scwergonguna í ár. Men tað keðiliga var, at summi høvdu misskilt, nær gongan skuldi byrja og staðið. Av tí sama vóru fleiri, sum ikki náddu at vera við til screwgonguna í ár, heldur Eliana.