Lost Frequencies á Voxbotn 2019

Felix De Laet, ella sum hann best er kendur ”Lost Frequencies”, er eitt stórt navn í popp-tónleikaheiminum. Hann er kendur fyri m.a. sangin “Are You With Me”, “Reality” og nýggja lagið hjá honum “Melody”, sum hann hevur gjørt saman við James Blunt. Hann hevur verið nógv at hoyrt í útvarpinum her í Føroyum, eins væl og kring allan heimin. Staklagið “Are You With Me” var á 1. plássi í nógvum londum í 2014-2015, m.a. í Belgia, Avstralia, Týsklandi og Svøríki.

20. october í ár helt djmag tiltakið “Top 100 djs”, sum tey skipa fyri á hvørjum ári. Hesa ferð fór tiltakið fram í Amsterdam, og Lost Frequencies varð kosin sum nummar 17 í øllum heiminum. Tað merkir at hann liggur hægri enn m.a. The Chainsmokers, Kygo, Alan Walker og fleiri onnur stór nøvn.