- Tíðindi, mentan og ítróttur
Café Salt
Niels Petur Nolsøe og Anrfinnur Thomsassen komu úr Vági at greiða frá hugtakinum, 'humor', og til sama høvið hevði NEPTUN yrkt ein tátt um 'kongomálið, ið teir báðir syngja saman við kórfólkunum frá kirkjukórinum Ljómur, sum seinni í sendingini syngur tveir sálmar og prátað verður við Elinborg Nolsøe um hetta søgurika kór.
Umboð fyri Hvalbiar bygdaráð, Eir Jógvansdóttir Norðberg, tosar um trivnað í oynni og vetrarfriðingina í Hvalba, sum er hennara hjartamál, men sum júst er fallið á bygdaráðsfundi. Palle Julsgart og Kristian Holbæk eru danir, ið hava fest røtur á Tvøroyri, og sum halda, at Føroyar skulu loysa frá Danmark.
Tvey bandað innsløg eru í sendingini. Annað er samrøða við Niels Harald Michelsen, skipara á Smyrli, og hann sigur millum annað sína hugsan um Strandferðsluna sum alment partafelag. og hin er ein reportasja, ið lýsir tilgongdina, tá Símun í Grillbúðini royndi at útvega sær eitt bankalán til útbygging av pylsu-virkseminum.
'Café Salt; ein beinleiðis sending frá Menatanarhúsinum Salt tann 15. desember 2021.
MYND: Dagfinn Olsen, Sosialurin