Sjeytiárini eru merkt av stórum og hugsjónarligum útbyggingum á samferðsluøkinum. Og ein, ið er sera virkin á hesum øki, er Thomas Arabo, sum tekur við sum stjóri á Strandfaraskipum Landsins miðskeiðis í 1970-árunum. Í hesari sendingini sigur Thomas Arabo okkum um hví hann gjørdist stjóri á Strandfaraskipum Landsins, og hvørjar hugsjónir vóru avgerandi fyri kósina hjá strandferðsluni í 1970-árunum.
Sunnudagin 23. oktober 1966 skola tveir hýruvognar á sjógv av einum óløgi á havnalagnum í Leirvík, og annar bilurin var ein nýggjur Toyota Crown hjá Torbirni Justinussen. Poul Magnus Joensen og Sjúrður Elasen siga okkum hvussu teir minnast hesa hendingina. Eisini tosa vit við Leiv Fonn, sum var maskinmeistari við Britons Pride, sum bjargaði Torbirni úr bilinum, áðrenn hann fór til botns. Vit hitta eisini Tórhild Bjarkhamar, ið er dóttur Torbjørn, og Onnu Justinussen, sum var gift við Torbirni. Og hetta gjørdist teimum dagur í viku, tí sama dag skuldi tey hava barnadóp.
Nomið verður eisini við rutu- og busskoyringina til og frá Leirvík, og ein, sum hevur koyrt nógv buss á hesari farleið, er Heðin Zachariassen, sum eisini minnist hvussu tað var at koyra við stórum bussum eftir gamla Leirvíksvegnum.
Tú kanst hoyra sendingina her!