Hvussu gongur tú á fjalli við einum beini? Ber til at byggja lego uttan armar? Og hvussu heingir tú klæði á snór við einum armi?
Vit hava vitjað 42 ára gamla Dánjal Magnussen av Oyrabakka, sum misti annað beinið í skotóhappi í 2002, 69 ára gomlu Káru Heinesen av Strondum, sum misti høgra arm í arbeiðsóhappi fyri 50 árum síðani og 4 ára gamla Øssur Ábraham Bjarnason av Viðareiði, sum er føddur uttan armar.

Felags fyri hesi trý er strembanin eftir at liva eitt vanligt lív, hóast tey bera brek.

Lagt til rættis: Solby Christiansdóttir.