Við Tórði á túri eftir grásúlu í Mykineshólmi(2:2)

14-09-2020

Veiðan hesaferð royndist nógv betur enn væntað. Vit hoyra um arbeiðið í berginum og tá komið verður heim í Mykinesbygd

Í lýsingini koma pannukøkukonurnar út í Hólm við pannukøkum og heitum kaffi og te og tað kemur væl við hjá manningini har úti. Samstundis fara menninir niður aftur á røkurnar eftir súluni, sum er dripin um náttina. Tær skulu blakast á sjógv, so báturin kann taka tær upp.

– Fyri meg hevur hesin dagurin altíð verið størsti hátíðardagur í Mykinesi, sigur 83 ára gamli Oskar Joensen, sum í mong ár stóð á odda fyri súluveiðuni. Hann fegnast um at síggja nógv ungfólk vera við á súluveiðu.

Útvarpsverturin sleppur eisini niður á rókina at blaka súlu á sjógv og at uppliva bjargalívið.

Jóhannis Danielsen, fuglafrøðingur á Havstovuni, heldur, at eftir talinum á súlustovninum verður tikið í meira lagi av grásúlu. Kortini er súlan í menning. Hann heldur at súla kemur eisini aðra staðni frá, til dømis úr Skotlandi, har størsta súlubøli í heiminum er.

Um middagsleitið kemur seksæringurin Hjalti á lendingina í Mykinesi við veiðuni, og har verður grásúlan býtt og síðani fara øll at hagreiða. Útvarpsverturin slapp at smakka steikta súlu og hon smakkaði sera væl.

Fólkini, ið eru við í hesari seinnu sendingini úr Mykineshólmi, eru hesi: Finn Hansen, Anna Gaardlykke, Jensia Gaardlykke, Ingi Jørleif Ole-Jacobsen, Marit Johansdóttir Magnussen, Hans Michael Johannesen, Esbern í Eyðansstovu, Oskar Joensen, Jórun Elisdóttir Wang, Poul Andrias Ziska, Hilmar Joensen, Jóhannis Danielsen, Elias Næs, Vivi Wang, Óli Niclasen og Laila Jacobsen.

Við Tórði á túri

Í sendingini "Við Tórði á túri", sum verður send í Útvarpinum mánadag klokkan 17:05, vitjar Tórður Mikkelsen við mikrofonini bygdir og býir kring landið og varpar ljós á gerandisdagin hjá fólki. Forvitnið er drívmegin og evni, ið ikki skapa yvirskriftir í miðlunum, hava mangan stóran týdning fyri fólkið á staðnum. Tað eru nógvar smærri bygdir kring landið, sum sjáldan fáa pláss í miðlunum, men sum avgjørt hava sína søgu. Og hvørt menniskja hevur eina søgu at fortelja. Tað hoyra vit í reportasjunum í Útvarpinum mánadag klokkan 17:05. Fyri at skapa eina variatión í sendingunum, vitjar Tórður Mikkelsen viðhvørt býlingar og ávísar gøtur. Hann hevur eisini lýst serlig tiltøk, m.o. Bindifestivalin og Sjómannadagin, og onkuntíð er hann á túri í øðrum londum.

Við Tórði á túri á Bumshamri í Klaksvík

Býlingurin Bumshamar í Klaksvík hevur ikki bara eitt spennandi navn, men er ein spennandi býlingur og tey sum búgva her trívast væl

27-03-2023

Við Tórði á túri við Sjógv í Kollafirði

Gamli býlingurin við Sjógv í Kollafirði er serliga kendur fyri kvæðaskaldskapin hjá sjóvarbóndanum. Nú verður arbeitt við at varðveita tað, ið eftir er av tí gamla við Sjógv

20-03-2023

Við Tórði á túri í Tórshavnar Musikkskúla

Í Tórshavnar Musikkskúla á Landavegnum 84 í Vesturbýnum er lív í frá klokkan seks um morgunin til ellivu um kvøldið. Á hesum túrinum hitta vit bæði næmingar og lærarar

13-03-2023

Við Tórði á túri við Havnará

Mong halda at økið uttan um Havnará, har viðarlundin eisini er, ein sonn perla í høvuðsstaðnum. Á túrinum í dag vitja vit nøkur av teimum, sum búgva við Havnará

06-03-2023

Við Tórði á túri niðan á Víkarvatn

Vìkardaman Gurið Lómfelli, sum býr í Streymnesi, hevur tríggjar ferðir verið á øllum fjøllum í Føroyum, og nú gongur hon fyri fjórðu ferð. Í dag sleppa vit túr við henni

27-02-2023

Við Tórði á túri til sólarkaffi í Leirvík

Á hvørjum ári hátíðarhalda leirvíkingar, at sólin aftur sær á bygdina hesa tíðina. Og í ár var einki undantak. Yvir 300 fólk og yvir 40 sløg av køkum vóru í bygdarhúsinum

20-02-2023

Við Tórði á túri um føroyska bátin

Nógv er broytt síðani tann gamli føroyski báturin var álitið. Men framvegis hevur hann stóran týdning fyri okkara samleika, halda tey vit hitta í sendingini í dag

13-02-2023

Við Tórði á túri í Sumba, seinni partur

Vit halda fram í Sumba og hitta enn fleiri fólk, ið greiða frá ymiskum viðurskiftum í syðstu bygd í landinum, sum hevur sínar egnu siðir

06-02-2023

Við Tórði á túri í Sumba, fyrri partur

Í dag vitja vit í syðstu bygd í Føroyum, Sumba. Ein spennandi bygd, ið hevur fleiri sereyðkenni

30-01-2023

Við Tórði á túri í Tilhaldinum í Havn

Nógv tiltøk eru á skránni í Tilhaldinum í Tórsgøtu í Havn. Eirik Suni Danielsen, leiðari, sigur, at hvørja viku eru eini 300 fólk í Tilhaldinum

23-01-2023

Við Tórði á túri í Kinnalund

Fyrstu trøíni í Kinnalund í Syðrugøtu vórðu gróðursett fyri níggju árum síðani og longu nú er hon ein væl vaksin viðarlund. Vit vitja hana og onnur

16-01-2023

Við Tórði á túri í kaffistovuni hjá Sævari

Radioverkstaðið hjá Sævari Halldórsson í Vági er fast savningarstað hjá vágbingum og øðrum suðuroyingum. Sendingin var fyrstu ferđ í Útvarpinum í januar 2019. Hoyr hana her.

09-01-2023