Við Tórði á túri

Við Tórði á túri eftir varðagøtum
03-05-2021
Nútíðin hevur av álvara endurfunnið gomlu varðagøturnar, sum fáa ábøtur. Vit vitja stóra tiltakið Closed for Maintenance við føroyingum burturav

Hetta er aðru ferð at Closed for Maintenance-tiltakið er, og 23. og 24. apríl vóru 80 fólk í øllum aldursbólkum í gongd á útvaldum varðagøtum kring landið. Har ímillum eru nakrir leiðarar. Korona hevur gjørt, at hesaferð eru øll tey sjálvbodnu arbeiðsfólkini føroyingar. Arbeitt verður á Kambsdali, í Havn, í Nólsoy, í Vestmanna, í Mykinesi og í Vági. Endamálið er at gera tað høgligari og tryggari at ferðast í okkara náttúru.

 

Í sendingini verður vitjað í fýra støðum. Úr Vestmanna fara tvey arbeiðslið og tey eru á varðagøtunum úr Vestmanna til Saksunar og Hvalvíkar. Hesar gøturnar vórðu nógv brúktar fyrr í tíðini. Upplýsandi skelti verða sett upp og varðarnir verða hampaðir.

 

Á nógv brúktu gøtuni millum høvuðsstaðin og Kirkjubø, sum er ein lættur túrur, verða varðarnir eisini hampaðir. Men høvuðsarbeiðið her er leiða vatnið av gøtuni á teininum úr Havnardali og niðan á. Regndagar hevur nógv vatn runnið eftir sjálvari gøtuni. 

 

Sunnast í Nólsoynni, suður móti Borðuni, ger arbeiðsliðið nakrar træbrýr til fólk at ganga á, so tær stóru veitirnar í hesum sermerkta vátlendi fáa frið. Hesi fólkini sleppa at gista eina nátt í gomlu íbúðarhúsunum á Nólsoyar vita. 

 

Eitt fjølment arbeiðslið er eisini á varðagøtuni millum Fuglafjørð og Skálafjørð. Tað er serliga byrjanin av gøtuni niðan úr Kambsdali, sum verður gjørd týðiligari við nýggjum varðum. Tað verður gjørt eftir einum 100 ára gomlum korti.

 

Fyri nøkrum mánaðum síðani kom út nýggj bók um varðagøtur í Føroyum. Magnus Gaard, lívfrøðingur, var við í arbeiðsbólkinum og hann greiðir frá hesum arbeiðnum. Og Óli Garðhorn, sum hevur sett sær fyri at ganga eftir øllum varðagøtum í Føroyum, gevur samstundis Visit Faroe Islands ymiskar upplýsingar um torleikastig og annað. 

 

Á túrinum eftir varðagøtunum er annars samrøða við hesi fólk: Magni Blástein, Rannvá Egholm, Niels Pedersen, Ditte Mathilda Joensen, Herit Djurhuus, Alda Egilstrøð Magnussen, Hans Poulsen, Óluva Poulsen, Carina Heinesen á Rógvu, Pauli í Jansagerði, Jóhanna Rasmussen, Óli Garðshorn, Jógvan Thomsen, Anja Hartmann Wardum, Vanja Davidsen, Magnus Gaard, Kartni Ravnsfjall, Eileen Berjastein, Gerhard Jónsson Mikkelsen, Kristina Gry Berg

Við Tórði á túri

Í sendingini "Við Tórði á túri", sum verður send í Útvarpinum mánadag klokkan 17:05, vitjar Tórður Mikkelsen við mikrofonini bygdir og býir kring landið og varpar ljós á gerandisdagin hjá fólki. Forvitnið er drívmegin og evni, ið ikki skapa yvirskriftir í miðlunum, hava mangan stóran týdning fyri fólkið á staðnum. Tað eru nógvar smærri bygdir kring landið, sum sjáldan fáa pláss í miðlunum, men sum avgjørt hava sína søgu. Og hvørt menniskja hevur eina søgu at fortelja. Tað hoyra vit í reportasjunum í Útvarpinum mánadag klokkan 17:05. Fyri at skapa eina variatión í sendingunum, vitjar Tórður Mikkelsen viðhvørt býlingar og ávísar gøtur. Hann hevur eisini lýst serlig tiltøk, m.o. Bindifestivalin og Sjómannadagin, og onkuntíð er hann á túri í øðrum londum.
Býlingurin Bumshamar í Klaksvík hevur ikki bara eitt spennandi navn, men er ein spennandi býlingur og tey sum búgva her trívast væl
27-03-2023
Gamli býlingurin við Sjógv í Kollafirði er serliga kendur fyri kvæðaskaldskapin hjá sjóvarbóndanum. Nú verður arbeitt við at varðveita tað, ið eftir er av tí gamla við Sjógv
20-03-2023
Í Tórshavnar Musikkskúla á Landavegnum 84 í Vesturbýnum er lív í frá klokkan seks um morgunin til ellivu um kvøldið. Á hesum túrinum hitta vit bæði næmingar og lærarar
13-03-2023
Mong halda at økið uttan um Havnará, har viðarlundin eisini er, ein sonn perla í høvuðsstaðnum. Á túrinum í dag vitja vit nøkur av teimum, sum búgva við Havnará
06-03-2023
Vìkardaman Gurið Lómfelli, sum býr í Streymnesi, hevur tríggjar ferðir verið á øllum fjøllum í Føroyum, og nú gongur hon fyri fjórðu ferð. Í dag sleppa vit túr við henni
27-02-2023
Á hvørjum ári hátíðarhalda leirvíkingar, at sólin aftur sær á bygdina hesa tíðina. Og í ár var einki undantak. Yvir 300 fólk og yvir 40 sløg av køkum vóru í bygdarhúsinum
20-02-2023
Nógv er broytt síðani tann gamli føroyski báturin var álitið. Men framvegis hevur hann stóran týdning fyri okkara samleika, halda tey vit hitta í sendingini í dag
13-02-2023
Vit halda fram í Sumba og hitta enn fleiri fólk, ið greiða frá ymiskum viðurskiftum í syðstu bygd í landinum, sum hevur sínar egnu siðir
06-02-2023
Í dag vitja vit í syðstu bygd í Føroyum, Sumba. Ein spennandi bygd, ið hevur fleiri sereyðkenni
30-01-2023
Nógv tiltøk eru á skránni í Tilhaldinum í Tórsgøtu í Havn. Eirik Suni Danielsen, leiðari, sigur, at hvørja viku eru eini 300 fólk í Tilhaldinum
23-01-2023
Fyrstu trøíni í Kinnalund í Syðrugøtu vórðu gróðursett fyri níggju árum síðani og longu nú er hon ein væl vaksin viðarlund. Vit vitja hana og onnur
16-01-2023
Radioverkstaðið hjá Sævari Halldórsson í Vági er fast savningarstað hjá vágbingum og øðrum suðuroyingum. Sendingin var fyrstu ferđ í Útvarpinum í januar 2019. Hoyr hana her.
09-01-2023