Mouk er ein avbera fitt røð. Røðin byggir á bøkurnar, sum rithøvundurin Marc Boutavant hevur skrivað. Mouk og besti vinmaður hansara Chavapa ferðast ymsastaðni í verðini og eru hugtiknir av mentanini og øllum tí, sum eyðkennir hvørt einasta stað. Frá Ouagadougou til New York, frá Australia til Madagaskar - og Grikkalands. Teir súkkla og hitta nógv áhugaverd fólk allastaðni, og so fara teir inn á netið og fortelja vinfólkunum heima um alt, sum teir uppliva.