Fyrsta floks sangfuglar

Tiltakið er komið í lag sum eitt samstarv millum Tórshavnar musikkskúla og allar skúlar í kommununi. 2 lærarar frá musikkskúlanum hava vitjað 1. flokkar og sungið saman við teimum einaferð um vikuna í 6-7 vikur. Tað eru sangir (einir 10 í tali), tey hava lært, sum tey syngja á konsertunum. Ein tónleikabólkur mannaður við musikkskúlalærarum fer at spæla undir. Barnaútvarpið var við, tá ið tey vandu til konsertina. Gyðja og Jóhanna greiða frá.