Børnini í 1.2. og 3.flokki hava nú fingið frítíðarskúla. Tey greiða frá skúla og frítíðarskúla.

Vit eru til morgunsang í Glyvra skúla. Og vit gera krabbagággur saman við 3.a. Óli Rubeksen frá SSP hevur boðið barnaútvarpinum við út. SSP verður 10 ár í ár.

Hvat gera tey á familjulegu á Zarepta á Vatnsoyrum? Anna Helena, Sára og Róar fara at greiða frá.

Hvussu er at búgva í Keypmannahavn? Og hvat hugsa børn við føroyskum foreldrum um Føroyar? Hvat mál tosa tey? Anna Sofía og Jóan Petur eru 8 ára gomul og ganga í skúla og til frítíðarítriv í Keypmannahavn. Í sendingini siga tey sína hugsan.

Aron er føroyameistari í U9. Hann fer at greiða frá og fer at vera venjari hjá Elini.

Hósdagin 3. september varð kunngjørt, at 4. flokkur í Vestmanna skúla fekk heiðurin sum Ársins Vitanarfróðu í eykaumfarinum 2020. Tað fingu tey fyri frágreiðingina: ?Hvussu kunnu næmingar gera skúlan grønari??, sum tey sendu inn í juni. Í dag ganga tey í 5. flokki.
Handanin fór fram í Vestmanna skúla. Avtala varð gjørd við læraran og skúlastjóran, at umboð fyri Granskingarráðið skuldu koma á vitjan saman við fólki frá Kringvarpinum. Næmingarnir vistu ikki av hesum frammanundan, so tey vóru rættiliga ovfarin.
Ein dómsnevnd við 4 umboðum hevði lisið og mett um frágreiðingarnar. Hesi eru Fríða Poulsen Eysturoy, lærari, Firouz Gaini, granskari, Karina Toftegaard, ritstjóri, og Annika Sølvará vegna Granskingarráðið.
Annika Sølvará segði millum annað soleiðis, tá hon kunngjørdi vinnaran:
- Vit hildu, at tit hava valt eitt týdningarmikið og nútíðarhóskandi evni. Frágreiðingin tekur støði í nærumhvørvinum og spurningurin er væl greinaður við nógvum ítøkiligum átøkum, sum kunnu bøta um dálking.
- Ætlanin er væl skipað og gjøgnumførd. Frágreiðingin er áhugaverd og umfatandi, og tit megna at orða eina samanhangandi og væl skipaða uppgávu. Lærarin hevur allarhelst hjálpt til, men tað er týðiligt, at tit hava verið aktiv í arbeiðinum. Tit hava trivið í egnan barm, og vísa við royndum og myndum, hvussu tit kunnu gera skúlan grønari.
- Nevndin heldur, at frágreiðingin er so væl frágingin, at hon er áhugaverdur lesnaður hjá skúlaleiðarum, lærarum og næmingum í øðrum skúlum, sum kanska hava hug at gera teirra skúla grønan.
Síðani handaði hon flokkinum heiðursbrævið. Vinnandi flokkurin fær umframt heiðurin 5.000 kr. til flokkin og ein túr saman við granskarum, sum vit fara at leggja til rættis í felag.

Bladur Holm gongur í 6.flokki og býr á Argjum. Hann er evnaríkur og dámar væl at standa á skateboard og at framleiða tónleik.

Fríggjadagin 20.november var altjóða barnarættindadagur. Í hesum sambandi fara vit at hoyra um barnapanelið hjá Barnabata. Tey hava arbeitt saman í eitt ár. 9 børn og ung kring landið, hava verið á ráðstevnu í Keypmannahavn, tey arbeiða við at gera tilmæli, soleiðis at børn í Føroyum verða hoyrd og at børn í Føroyum læra barnarættindasáttmálan betri at kenna. Fríggjadagin løgdu tey fram og hildu røðu og tey handaðu politikarum og øðrum eitt tilmæli. Gylta fer at greiða frá. Eisini fara vit at hoyra um sangin - Tað kundi verið eg, og tá fara Teresa og Joanes at greiða frá. Steintór Rasmussen skrivaði sangin og sangurin varð gjørdur í samband við landsinnsavningina hjá Reyða krossi. Vit eru á Skúlatrøð í Klaksvík.

Næmingar í 6.flokki greiða frá søgnini um Beintu. Hvør var hon? Og hvat hava tey lært?

Norðurlendsk bókmentavika er og bókadagar eru í Norðurlandahúsinum. Helena og Olivia fara at greiða frá.

Loftar tú mær er nýggjasta bókin hjá Rakel Helmsdal. Hon fer at greiða frá ínnihaldinum í bókini og eisini eitt sindur um tað, hvussu hon leggur myndir til bókina.

Ingun Christensen hevur skrivað bøkurnar - Løgmansdóttirin á Steig og Húsfrúgvin í Húsavík. Hon fer at greiða frá, hvussu tað er at srkvia bøkur útfrá sagnum.

Kristianna Poulsen, Niels Jákup Thomsen og Jon Hestoy greiða frá, hvussu tey arbeiða við bókum.

Børn, sum ganga í 1.flokki í Tórshavnar Kommunu hava sungið saman í einum stórum kóri.

Tey í 4.flokki í Eysturskúlanum fara uppá gólv.

Børn syngja í barnaútvarpinum. Vit eru við Streymin, í Frískúlanum í Havn, á Strondum, í Eysturskúlanum og í Tórshavnar Musikkskúla

Eisini siga tey frá sangum

Upptøkurnar eru frá 2011

Vit hoyra børn í Eysturskúlanum syngja og greiða frá. Børn í Kollafirði syngja um blómurnar í Føroyum. At enda hoyra vit børn í Stranda skúla syngja.

Upptøkurnar eru frá 2007

Vit hoyra børn, sum ganga í Norðskála-Oyrar skúla. Eisini hoyra vit barnakórið. Jóannes S. Hansen spælir klaver og skipar fyri.

Sangupptøkur úr Vestmanna skúla frá 2007. Tey í 5.flokki greiða frá.

Vit eru við til hátíðarhaldið í skúlanum við Løgmannabreyt.

Vit eru í Sørvági og hitta børn, sum seta eplir niður. Tey í 4.flokki í Sørvágs skúla greiða frá.

Vit eru í Kollafirði. Og í Kollafirði fara vit víða um. Allir næmingarnir í skúlanum hava havt evnisviku. Tey í yngstu deildini hava arbeitt við Íslandi. Miðdeildin hevur arbeitt við India og hádeildin hevur arbeitt við Afrika. Vit eru fyrst í Íslandi. Diana, Anton, Lív, Andrea og Ása greiða frá. Síðai fara vit eitt stutt legg til Afrika, og tá fer Herit at greiða frá.

1. 2. og 3. flokkur arbeiða saman í Miðvágs skúla. Tey arbeiða við heimsmálunum og at savna ymiskt saman at senda til Venusuela.

Í Eysturkommunu eru fleiri bygdir. Í Gøtu skúla hava tey evnisviku. Tey súkkla, gera listaverk, framløgur og fáa eina rúgvu at vita.

VIt eru í 3.flokki í skúlanum á Giljanesi. Tey hava evnisarbeiði í samband við savnsfagnaðin. Hvat er Eyðanstovuskipið? Vit vilja fegin vita. Eisini hava tey gjørt dukkusjónleik og eitt skip.

Í dag eru vit í skúlanum á Glyvrum. Her hava tey felagssang og morgunløtu.

Seinastu tíðina hava næmingar í 5.flokki gjørt filmar, sum snúgva seg um dálking og um burturkast.

Í barnaútvarpinum eru vit við, tá ið 2.b á Skúlatrøð hevur føroyskt. Tey lesa úr bókini - Finka. Marianna Skarðenni Poulsen hevur skrivað og Kathrina Skarðsá hevur teknað. Marianna er lærari í 2.b og hon fer at greiða frá. Eisini fara næmingar í 2.flokki at siga sína hugsan.

Evnið í First lego league 2019 er býarætlan. Vit hitta Planet Jørðin og Argjafrensar, sum eru við í kappingini, sum verður í skúlanum á Argjahamri 9.november.

Í skúlanum á Sandi hava tey lisið søgu um fjarar. Tey hava gjørt málning, krossskipan og fuglar og mangt, mangt annað.

Vit eru í Frískúlanum í Havn, sum er á Velbastað. Tey hava evnisarbeiði um Føroyar og seinastu dagarnar, hava tey hugsavnað seg um at tekna fløgg, sum skulu umboða skúlan. Tað er Listameldur, sum skipar fyri flaggkapping og fleiri skúlar í Føroyum senda fløgg inn - fløgg, sum umboða skúlan, og tí hava tey gjørt hugarok og hugt eftir, hvat eyðkennir skúlan. Eisini eru vit til morgunsang, tí tey syngja føroyskar sangir, tey byrja við sálmi og so velja tey sangir og spæla ljóðføri.

Næmingar í 2. 3. og 4.flokki í Tórshavnar Kommunu, hava lært at spæla flogbólt. Tiltakið endaði við kapping í høllini á Hálsi. Næmingar í 2.flokki í Hoyvíkar skúla, greiða frá.

Hvat snýr jólakalendarasøgan 2018 seg um. Hvat skalt tú hugsa, tá ið tú gert ein jólakalendara. Elin á Rógvi hevur skrivað og lagt til rættis.

Fólk og dólgar í Kardumummubýnum er sjónleikur, sum verður sýndur í sjúnleikarahúsinum í Havn. Vit hitta leikarar, hoyra sangir, hoyra brot úr leikinum og tveir dreingir siga sína hugsan um leikin.

Vit hoyra um útvarpsleikin - Fornt. Vit fara at tosa við nøkur, sum eru við í útvarpsleikinum.

Vit hoyra framførslur og práta við børn, sum eru til forskúladag á Argjahamri.

Næmingar venja sang, kvæði og skjaldur, tí tey fara at gleða eldri fólk á ellisheimi. Tey fara at greiða frá og framføra í Barnaútvarpinum.

Í skúlanum á Argjahamri eru fýrbein. Næmingar í 4. flokki ansa teimum, og tey fara at greiða frá.

Í hesum døgum venja tey í 6.flokki leik, sum tey fara at framføra til jólahaldið í ár. Tey hava valt at framføra føroyingasøgu.

Børn og vaksin á Margarinfabrikkini í Havn eru við eini verkætlan, sum snýr seg um at framleiða føroyskt tilfar, sum skal liggja á Youtoube. Orsøkin er, at føroysk børn hava alt ov lítið tilfar á føroyskum. Eisini eru vit í Norðurlandahúsinum, har tey í fimleikafelagnum - Flog, fyrireika seg til fimleikafagnaðin.

Næmingar í 3. flokki í Eysturskúlanum í Havn 2013 høvdu evnisarbeiði um Brestiskvæðið. Vit hoyra børn í 1.2. og 3. flokki kvøða.

Í barnaútvarpinum hoyra vit gátur. Vit hoyra gátur úr bókini - 19 søguligar gátur, sum Bengt Fredrikson, Andreas Palmaer og Elin Jonsson skrivaðu. Kristianna Poulsen týddi til føroyskt og Bókadeild Føroya Lærarafelags gav út í 2018. Eisini fara børn at siga gátur.

Í barnaútvarpinum hoyra vit gátur. Vit hoyra gátur úr bókini - 19 søguligar gátur, sum Bengt Fredrikson, Andreas Palmaer og Elin Jonsson skrivaðu. Kristianna Poulsen týddi til føroyskt og Bókadeild Føroya Lærarafelags gav út í 2018. Eisini fara børn at siga gátur.

Frískúlin í Havn gjørdi ein sangleik, sum tey framførdu í sjónleikarahúsinum í Havn. Børnini hava skrivað, gjørt tónleik og alt sum krevst til ein sangleik, sum tey framførdu fyri foreldrunum beint fyri jól. Barnaútvarpið var eisini við. Tey fara at greiða frá og so hoyra vit brot úr leikinum.

Hesa ferð fara Jónatan, Ragnhild J, Silja og Ragnhild L fara at greiða frá. Tey ganga í 1.flokki og tey hava gjørt Grækaris Grashøvd. Tey ganga í 1.flokki.

Vit eru í Klaksvík hesa vikuna og hesa ferð eru vit til sjónleik. 5.b hevur bjóðað okkum til sjónleik, tí tey spæla - Harra Pætur og Elinborg.

Heksirnar er ein nýggjur familjuleikur á Tjóðpallinum. Tað er ein spennandi, undirhaldandi, syrgiligur, stuttligur og hjartanemandi familjuleikur fyri alla familjuna. Jákup, Sóleyð og Petur Meinar greiða frá. Eisini siga børn, sum vóru til leikin, sína hugsan.

Vit práta við Heina og Helenu um Afganistan, taliban og Malalu

Vit seta Tóru Petersen spurningar um tað at vera bangin. Evnisvikar er í Hoyvíkar skúla, sum ber heitið - Hjálpandi hondin.

VIt vitja Húsið í Klaksvík og hoyra, hvat spennandi tey gera.

Um ljóð og tónleik. Sunnleif Rasmussen er tónaskald og hann fer at greiða frá.

Á Argjahamri hava tey savnað pening inn til Ukraina.

Nú er Jasmin ein vaksin maður, men hann minnist væl fyrstu tíðina, tá ið hann kom til Føroyar. Hann kom til Føroyar úr krígsrakta Serbia.

Vit eru í Klaksvík og hesa ferð saman við Jóhannu og Anastasiu. Jóhanna gongur í 5.flokki og Anastasia gongur í 3.flokki. Tær greiða frá, hvat tær tekna.

Hvat jólaligt gera tey á Barnabata? Djóni Eidesgaard, greiðir frá.

Gunnva, sum gongur í 7.flokki á Skúlatrøð skrivar jólakalendarasøgu. Tey í 7.flokki í skúlanum á Argjahamri arbeiða við stórari verkætlan, sum snýr seg um, at børn hjálpa børnum. Tey arbeiða við ævintýrinum - Gentan við svávulpinnunum.

Vit hoyra um jólakalendarin - Tjóvajólini, sum verður í sjónvarpinum. Páll Danielsen greiðir frá og eisini hitta vit Hjálmar Dam, sum spælir Kyrri. Í útvarpinum fara vit at hoyra jólakalendarasøguna - Eg sá ein eingil, sum Elin á Rógvi skrivaði í 2010 og hon fer at greiða frá.

Judo er ein spennandi ítróttargrein. Tað siga tey í Tvøroyrar judofelag.

Vit hoyra um leikin Junglubókin. Her eru 40 leikarar við og tey hava vant í langa tíð. Tey greiða frá, hvussu stuttligt tað er at spæla sjónleik.

Nú nærkast First Lego League kappingin 2017. Og í sendingini hesa ferð eru vit við, tá ið næmingar í bólkinum - KlossHans, fyrireika seg.

Næmingar greiða frá, hvat tey hava arbeitt við í skúlanum. Tey hava havt evnisviku um Kollafjørð. Tey hava máta, hvussu long bygdin er, tey hava lært nógv um tveir gamlar skúlar, tey hava vitja eitt 200 ára gamalt hús og so hava tey fyrireika framsýning.

Á Skúlatrøð í Klaksvík spæla tey leikin um kópakonuna. Tey halda, at søgnin er áhugaverd, og eru spent at framføra.

Í dag eru vit til kór í Tòrshavnar Musikkskúla. Her er eitt gentukór, sum eitur Stella.

Vit fara at hoyra um Kuldakrákuna og um Vit, sum er nýggj heimasíða til børn. Kuldakrákan er ímyndin, og klikkja vit á Kuldakrákuna, sum stendur á breddanum á heimasíðuni hjá kringvarpinum, so finna vit søgur, leikir, sjónvarpsendingar, spøl, sangir, evnissendingar, tíðindi og mangt annað. Elin Michelsen greiðir frá. Elin á Rógvi lesur og skrivar um Kuldakrákuna og Tórunn, Elsa, Ingi, Jákup og Tummas siga sína hugsan.

Hvat er land í eygsjón? Tað er tað, sum sjórænarar rópa, tá ið teir síggja land, sigur Sunnvá Bech, sum arbeiðir í Norðurlandahúsinum. Hesa ferð er Svøríki í eygsjón. Vit vitja Jensinu, Rasmus og Berg, tí tey venja sangir, sum vit kenna frá søgum, sum Astrid Lindgren hevur skrivað. Anna Fríða og Óðin, sum ganga í 1.flokki í Lítla Skúla, sita og tekna Pippi og aðrar tekningar, sum skulu á stórskíggja í Norðurlandahúsinum.

Í Gøtu skúla eru tey við í lesiátakinum - Føroyar lesa.

Tey lesa hvønn morgun og brúka ein serstakan lesihátt. Næmingar í 6.flokki í skúlanum á Argjahamri greiða frá.

Vit í Vestmanna á vitjan hjá Sylviu. Sylvia er 9 ára gomul og hon hevur likkupisur.

Í barnaútvarpinum hava vit hoyrt søgurnar hjá Edwardi Fuglø. Vit hava hoyrt um øll tey, sum búgva á Mjólarvegi. Edward greiðir frá tí at tekna fuglar og mangt, mangt annað.

Á Skúlatrøð hava tey havt evnisdagar um mállæru. Tey hava lagt filmsbrot út á youtube.

Vit tosa um mammur í barnabókmentum, hvørjar eru tær, eru tær broyttar og hvussu eru tær ymiskar? Turið og Marna arbeiða á Bókadeild Føroya Lærarafelag, og tær fara at greiða frá.

Í barnaútvarpinum hesa ferð eru vit í Klaksvík. Vit fara at vitja Steintór Rasmussen. Hann hevur gjørt fleiri vælkendar sangir og hevur givið fleiri bøkur út. Tvær bøkur eru fyri kotrum komnar út og tað eru bøkurnar Tvøri og Tvassa og Mín Gløggi vinur. Eydna J Steinberg, hevur teknað sera flottu myndirnar. Í sendingini hesa ferð fara vit at hoyra um bókina - Mín Gløggi vinur.
Hetta eru søgur og krimigátur, har øll familjan sleppur at royna seg. Ein hugfangandi og lærurík bók hjá føroyskum børnum, sum ikki vilja lata seg lumpa ella lokka.
Tær 77 krimisøgurnar fylgja álmanakkanum og eru ein livandi lýsing av tí nógva og spennandi, sum hendir her í Føroyum.
Eydna J. Steinberg hevur teknað eina sera gátufulla barnaverð. Og bókin er hugtakandi uppsett við fjølbroyttum søgum og gátum og svari aftast í bókini. Steintór Ramsussen greiðir frá, tí hann hevur skrivað og funnið uppá

Altjóða minifiddlers-festivalur hevur verið í Føroyum í døgunum 8.-12.juni. 45 næmingar úr fleiri londum venja við Géza og øðrum strúkaralærarum. Hetta eru næmingar, sum eina ferð um vikuna fáa fjarundirvísing í violin. Nú hittust tey her í Havn at spæla violin saman. Tey eru úr Danmark, Týsklandi, Ísrael, Lapplandi, Finnlandi og Suðurkorea. Børnini eru 8-12 ára gomul og fimm føroysk børn eru eisini við. Festivalurin endaði við konsert í Norðurlandahúsinum. Vit vóru har við mikrofonini, tá ið legan var byrja og her var nógvur tónleikur at hoyra.

Listameldur skipar fyri teknikapping, sum snýr seg um at tekna sjálvsmyndir. Monika, sum gongur í 4.flokki í Eysturskúlanum, hevur sent tvær myndir inn.

Mumi er nú gjørdur við føroyskum røddum, og verður at síggja í Norðurlandahúsinum.

Tveir næmingar í 3.flokki í skúlanum við Løgmannabreyt fara at greiða frá norðurlendsku bókmentavikuni. Evnið í ár er - superhetjur. Eisini koma Legomeistararnir á vitjan.

Í Eysturskúlanum eru tey sera virkin í næmingaráðnum. Hvønn týdning hevur næmingaráðið? Hvørjar broytingar skulu fremjast? Vit hoyra næmingar úr 4. 5. og 6.flokki greiða frá.

Jensina Olsen og Finnur Hansen spæla 26 nýggjar barnasangir á fløgu. Vit vitja tey og tey siga okkum, at Aleksandur Kristiansen hevur skrivað yrkingarnar, Knút Olsen hevur gjørt løgini og Bárður Jákupson hevur málað vatnlitsmálningar. Jensina syngur og spælir og Finnur spælir og tekur upp.

Eyð og Tollakur eru systkin og tey gleða seg til at hátíðarhalda ólavsøkuna. Edna fer at greiða frá ólavsøkuni, og hvønn týdning hon hevur. Síðani fara vit í Mórugøtu. Jákup Veyhe leggur til rættis.

Anna á Borg greiðir frá, hvat hon hevur sæð og upplivað. Hon hevur fingið nógv at vita um plast, sum er evnið í umhvørvisvikuni. Eisini siga børn í skúlabólkinum í býlingshúsinum á Ternuryggi, sína hugsan. Tey hava m.a. teknað til kappingina á Býarbókasavninum. Borghild er í Ostahúsinum, og har ber til at síggja vistfrøðiligan mat, sum kann vigast og koyrast í krukkur og pappírposar, ístaðin fyri plast.

Í Lítlaskúla í Havn hava tey havt sera spennandi skúlaviku. Tey hava hoyrt søgur um páskini, mála, sungið, tøvt og gjørt mangt, mangt annað. Eisini hoyra vit um Listameldur og hoyra, hvør vinnur ymsu kappingarnar. Henny Dánjalsdóttir greiðir frá.

Tey í 2.flokki hava hátíðarhildið føðingardagin hjá Pippi. Vit eru í Sankta Frans skúla í Havn.

Skúlabólkurin í Býlingshúsinum á Ternuryggi er á vitjan. Tey hava lurtað eftir bókini - Malla ræður, sum hevur verið at hoyra í barnútvarpinum. Tey siga frá skúlabólkinum og siga sína hugsa um at vera vaksin.

Markus, Sigrid, Paula og Óla Martin greiða frá.

Tá ið tað eru roknidagar, so er spennandi og áhugavert at vera í skúla. Allir næmingar arbeiða saman í ymiskum stovum. Har hava tey úr at gera í heilsustovuni, skúlaumhvørvisstovuni, í Kahootspurnakappingini, í ekspermentarium og á skúlablaðnum.

Hesa vikuna eru vit á Sandoynni. Í Sands skúla læra tey at sparka fótbólt. Hvønn hósdag kemur venjarin hjá B71 í skúlan at venja børnini. Eisini læra tey at syngja, og tá kemur Susanne í skúlan at syngja saman við teimum.

Í skúlanum í Kollafirði hava tey havt evnisviku við heitinum - Samfelagið.

Vit eru til sangfagnað í Norðurlandahúsinum, saman við børnum kring landið, sum eru komin at syngja saman.

Vit hoyra um Sangskrínið, sum er eitt skrín við sangum, tekstum, nótum, fløgum og vøkrum myndum. Sangir, sum Steintór Rasmussen hevur yrkt.

Vit hoyra um føroyskar barnasangir í Barnaútvarpinum. Hesa ferð eru vit í Eysturskúlanum.

So nærkast Vísindavøkan 2017, sum Granskingarráðið skipar fyri. Tey skipa fyri kappingini - Ársins Vitanarfróðu. Næmingar í 5.flokki í Eysturskúlanum í Havn hava teknað seg til kappingina. Tey hava valt at granska sápu.

Tey í 4.flokki í skúlanum á Fløtum seta trø niður. Eisini eru foreldur og systkin við. Í Eysturskúlanum er stórt stuðulstiltak, sum miðdeildin skipar fyri.

Katrin, Óli, Isabella, Eva, Tita, Gabriella og Sofía eru sjónleikarar og tey fara at greiða frá.

Tey eru fýr børn

Í dag eru vit í skúlanum við Løkin. Her hava tey eitt skúlakór, sum eisini er eitt skúlaorkesturkór.

Í barnaútvarpinum í dag eru vit í skúlanum á Fløtum, tí í skúlanum á Fløtum hava tey havt eina sersaka viku og tey hava havt úr at gera. Í næstu viku fara nærum 850 næmingar at ganga skrúðgongu - tí tey fara at flyta í nýggja skúlan, sum er úti í Marknagili. Higartil hava 1-3 flokkur gingið í skúla í Kongagøtu, 4.5.6. og 7.flokkur tey hava gingið í skúla úti á Frælsinum, 8. og 9 flokkur hevur verið úti á Argjum og fólbóltsflokkurin hevur verið í Gundadali. Men nú verður alt øðrvísi, nú fara tey øll at ganga í sama skúla. Hvussu fyrireika tey seg? Og hvussu er at siga farvæl við skúlan og at flyta inn í nýggjan skúla? Vit byrja í Kongagøtu, og síðani fara vit ein túr út á Frælsi.

Í 2012 gjørdu tey í 4.flokki í Tórshavnar Kommunuskúla eitt yrkingasavn, sum kallaðist - Solosólin. Oddfríður Marni Rasmussen er rithøvundur og var lærari hjá teimum. Vit hoyra kendar røddir úr KVF lesa yrkingar úr savninum. Eisini fara nøkur av teimum, sum hava yrkt at greiða frá.

Børn í 2. flokki greiða frá

Páll Danielsen er leikstjóri og greiðir frá. Eva, Fríði, Petur Meinhard, Barbara og Guðrin eru leikarar. Tey siga sína hugsan um Storm á Lognarveg!

Hvat skulu vit lesa í summar? Og hvørjar bøkur eru vælumtóktar? Annika, sum er bókavørður, greiðir frá. 9 ára gamla Eyðhild, sigur sína hugsan.

Børnini í býlinshúsinum undir Brúnni greiða frá og syngja.

Í skúlanum við Løgmannabreyt hava tey havt eitt sera spennandi evnisarbeiði í eina viku. Evnið er samfelagið. Tey arbeiða, fáa pengar afturfyri og sleppa at keypa alt møguligt.

Hesa ferð hoyra vit um evnisvikuna SVL-samfelagið. Eisini hoyra vit um norðurlendsku bókasavnsvikuna og um upplestur. Næmingar í skúlanum við Løgmannbreyt, greiða frá.

Í Sands skúla hava tey havt evnisarbeiði um sagnir. Vit hoyra tey greiða frá søgnini um Kálv Lítla. At enda hoyra vit brot úr kvæðnum - Harra Pætur og Elinborg, vit hoyra Klaksvíkar Dansifelag.

Tvey 12 ára gomul umboða Føroyar í stóra barnatiltakinum, sum verður eina viku áðrenn HM í Russlandi verður floytað í gongd.

Við Streymin hava tey fingið nýggjan skúla, men tá ið tey hava tónleik vitja tey aftur í gamla skúla. Tey í 6.flokki dáma væl at hava tónleik. Tey hava Meludia og orkestur, og tey fara at siga frá.

Hvat er ein trivnaðardagur? Tað hoyra vit í sendingini hesuferð. Næmingar siga sína hugsan og royna ymiskt spennandi.

Tryggari internetdagur er 6.februar. Óli Rubeksen, sum starvast innan SSP, greiðir frá týdninginum at vera tryggur á netinum. Næmingar í 4.flokki í Eysturskúlanum í Havn, hava arbeitt nógv við evninum í seinastuni.

Vit vitja í Lítla Skúla í Havn. Tey hava evnisarbeiði um ull. Og tað halda tey er sera áhugavert.

Vit fara at hoyra um einglar. Armgarð Arge greiðir frá.

Hvat er føsta og føstulávint? Spurningin seta vit Armgarð Arge, og vit fáa nógv at vita. Eisini siga Filip, Bylgja og Eivi okkum, hvat tey fara at vera á førstulávint.

Hvat er ein tunna og hvat hevur hon verið brúkt til? Vit spyrja Erling Isholm, søgufrøðing. Elin, Gilli og Jógvan fara at siga eitt sindur um at ganga grýlu, hvat er gott at fáa í posan, um at gerast kattakongur og mangt annað.

Hvat skal man hugsa um áðrenn man fær sær hund?

Í Barnaútvarpinum hoyra vit um Martin Luther, nú tað eru 500 ár síðani, at hann negldi tær 95 tesurnar á dyrnar í Wittenberg. Á Skúlatrøð í Klaksvík hava næmingar havt evnisviku um Martin Luther.

So er 2. umfar av Orrustu byrjað. Seinasta sunnukvøld klokkan 19.30 var 1. sending. Tá sóu vit ÍA-dreingirnir kappast móti svimjigentunum úr Reysti. Vit tosa við børnini, vertin og onnur sum gera sendingina.

Eysturskúlinum hevur fingið umhvørvisvirðislønin frá Føroyal Læarafelag. Tey hava havt urtagarðsdagar, sett niður og mangt annað. Andrass er 8 ára gamal og elskar at vera úti í náttúruni.

Niels, Jóhanna, Rakul og Jón Ingi greiða frá

Vit eru í Tvøroyrar skúla og hesa ferð eru vit í 4.flokki. Tey hava gjørt spennandi verkætlan.

Vit eru til sangleik í Klaksvík. Steintór Rasmussen skrivaði, Eyð Matras leikstjórnaði og fleiri enn 70 næmingar og lærarar eru við.

Í Meginskúlanum á Sandi skriva tey yrkingar. 

Elspa Samuelsen, sum er barntannlækni í Havn, fer at greiða frá.

Í skúlanum í Oyndafirði eru tríggir næmingar. Tey gera nógv ymiskt og nógv kreativt.

Fleiri vælkendar søgur eru um Vitello, og fleiri søgur hava vit hoyrt í Barnaútvarpinum. Nú ber til at fara til sjónleik og síggja Vitello og øll hini, sum eru við í søgunum.

Vit eru í Suðuroy og hoyra hesuferð næmingar í Porkeri greiða frá og tey syngja eisini fyri okkum.

Vit hoyra um skúlan í Mikladali og um Kópakonuna

Vit eru á Skúlatrøð í Klaksvík, tí 5.flokkur er til sýningina - Vølvunnar dómur, sum er opera fyri børn.