Bjørk Germaine er 10 ára gomul og hon hevur bjóðað okkum við á Margarinfabrikkina í Havn.

Vit hava fingið bræv úr Syðrugøtu. Vit fara at vitja Aron og Grækaris, sum gera legofilmar. Men hvussu gera teir legofilmar? Kom og lurta!

Jøkil, Heri og Birni eru beiggjar. Teir búgva á Glyrvum. Teir gera alt møguligt og hava nógv djór.

Í skúlanum í Eysturkommunu arbeiða tey við verkætlanini Betri vinir. Bamsan hevur verið á vitjan, og tey hava havt ein stuttligan dag við øllum góðum. Eisini syngja tey nógv í skúlanum.

Vit hava fingið bræv frá 14 børnum, sum ganga í skúlabólki í Klaksvík. Tey halda til í Gerðastovu. Tey hava sungið Burtur á heiði í studio og so hava tey gjørt ein film.

Vit eru á Skála og vitjað Eivy, sum eigur fleiri djór.

Vit eru til hundavenjing saman við Emiliu. Hon eigur hundin Livu. Emilia fyrireikar seg til hundaframsýning.

Vit hoyra um, hvussu týdnngarmikið tað er at hava endurskin. Lovisa Petersen Glerfoss fer at greiða frá.

Næmingar í Frískúlanum í Havn, sum er á Velbastað, hava havt evnisarbeiði um grind. Tey hava bjóðað okkum við.

Í 3.flokki í skúlanum á Fossanesi eru fýra gentur. Tær eru allar á sama liði í estetiskum fimleiki.

Vit eru í Miðvági saman við Fjólu, sum hevur spælt tvørfloytu, síðani hon var 6 ára gomul.

Hesa ferð eru vit í Gøtu skúla, tí tey hava boðið okkum í felags føðingardag. Á hvørjum ári halda tey føðingardag, og gera nógv burturúr undirhaldi. Eisini fáa tey morgunmat og hava blandað bomm við.

Rani og Fríði eru í grind í Vestmanna, og teir fara at siga frá.

Vit hava fingið bræv frá Heidi. Hon gongur í 2.flokki í skúlanum á Argjahamri. Vit eru í kamarinum hjá Heidi og

At fara í 1.flokk er spennandi og tú lærir nógv. Heini er gongur í 1.flokki í Sankta Frans skúla í Havn.

Vit hava fingið bræv frá Sølva. Hann sigur, at tey hava fingið hønur og hava gjørt høsnarhús í skúlanum á Trøðni. Vit fara á vitjan og Matteus og Sølvi vísa okkum runt á skúlanum og greiða frá.

Jóannes hevur fleiri djór. Og hann fer at siga frá hundinum, dunnunum og fiskunum.

Vit eru í skúlanum á Fløtum og her er kassabilakoyring.

Vit hava fingið bræv frá einari ommu, sum heldur, at tað er so stuttligt at síggja børnini sleta og at hoyra tey spæla úti í kavanum. Tí hava vit funnið eina brekku og fleiri børn, sum elska at vera úti, tá ið tað er kavi.

Vit hava fingið bræv frá børnum í Runavík. Tey hava bygt smáttu og eina sera flotta kiosk, sum eitur Leila.

Tey í skúlanum í Kaldbak hava bjóðað okkum til konsert, tí her spæla tey ymisk ljóðføri og tey syngja nógv.

Vit eru í Norðurlandahúsinum, tí har eru 400 næmingar komnir at kvøða.

Á hvørjum ári spæla næmingar í 6.flokki í Sørvági leik. Vit hava fingið bræv og fara at hoyra brot úr leikinum og næmingar fara at greiða frá.

Lilja er 12 ára gomul og gongur í skúlanum við Løgmannabreyt. Henni dámar væl at spæla gittar og hon fer at greiða frá og spæla eitt sindur fyri okkum

Í dag eru vit til - Ljóð í leiki í skúlanum við Løgmannabreyt í Hoyvík. Næmingar í 1. 2. og 3.flokki spæla floytu saman við Katju.

Vit hava fingið bræv frá vinkonunum Emblu og Nikobu. Tær ganga hjá gulu skótunum, og bjóða okkum við á skótafund.

Vit hava fingið bræv úr Norðagøtu. Brævið er frá Brynhild, sum hevur Shetlands pony. Og her fáa vit nógv nýtt at vita.

Hvør er Ragnhild? Jú, Ragnhild er ein skjaldbøka, sum vit fara at hoyra um í sendingini. Og tey sum greiða frá ganga í yngru deilidini í Nólsoyar skúla. Eisini siga tey frá, hvussu teirra gerandisdagur er í skúlanum.

Í Miðstovninum í Gundadali í Havn hava tey arbeitt nógv við endurnýtslu. Tað eru børn, sum ganga í 1. og 2. flokki í frítíðarskúlanum, sum hava gjørt robottar, hús til bamsurnar, pennahús og mangt annað.

Vit hava fingið bræv frá Gunnvá. Hon býr í Havn og gongur í Heimara skúla, sum er partur av Venjingarskúlanum í Havn. Henni dámar væl at lesa, og hon lesur upp fyri okkum, og greiðir frá, hvussu hon hevur tað, tá ið hon lesur, og hvørjar bøkur henni dámar allarbest at lesa.

Í dag eru vit heima hjá Bartal Páll, sum er 7 ára gamal. Honum dámar væl at sparka fótlbólt og at tekna.

Tinna er 4 ára gomul. Hon býr í Danmark, men nú er hon heima í Føroyum og vitjar ommur og abbar. Hon hevur sent okkum bræv og bjóðar okkum til Jónu-ommu í Havn. Tinna sigur eitt sindur um, hvussu tað er at ganga í barnagarð í Keypmannahavn. Eisini bakar hon vaflur saman við Jónu-ommu

Í dag eru vit í Funningi. Her eru Barbara og Høgni og geva seyði. Tey búgva í Hoyvík, og eru ofta saman við pápa sínum og geva seyði.

Bjørt er 5 ár og gongur í skúlabólki í dagstovninum Kurl@. Tað er sera spennandi, heldur hon, og hon vil fegin bjóða okkum við

Hvat er Leik og Lær? Tað fara Jónas og Gunna at siga okkum, tí í summarfrítíðini vóru tey í summarskúla í Dali.

Teir eru 9 ára gamlir og búgva ímillum Gilja í Hoyvík. Páll og Róðar spæla lego, pluss pluss og fyritíðina spæla teir allarmest playmobil. Teir brúka sítt hugflog og hava tað ordiliga stuttligt, og spæla í fleiri tímar, hvønn dag. Teir heva sent bræv og greiða frá playmobil.

Stovnar og dagrøktir í Norðuroyggjum hava arbeitt við málsligu menningini hjá børnum. Í hesum sambandi hava tey havt um ymiskar rithøvundar og hoyrt ymiskar søgur. Tey í Drotning Margrethu barnagarði hava eitt nú gjørt eitt flott Pippi-hús.

Børn í frítíðarskúlanum í Badmintonhøllini í Havn hava sent okkum bræv. Tey siga, at tey hava gjørt ein sang, og at tey fara at seta eplir niður. Vit hoyra rappsangin hjá teimum, og tey greiða frá eplum, sangi og um tað at ganga í frítíðarskúla.

Næmingar í Skála skúla hava havt evnisarbeiði um heimspartar. Tey hava uppliva og lært nógv hesa vikuna.

Næmingar í 3. flokki í Vestmanna eru við í norðurlendskari kapping um at savna plastik. Tey kláraðu at savna tjúgu kilo uppá fimtan minuttir. So sendu tey eina mynd, sum prógv.

Næmingar í 4.5. og 6.flokki hava gjørt smáttur úti á Frælsinum í Havn.

0-flokkur í dagstovninum við Margáir, hevur sent okkum bræv. Tey hava verið við í verkætlan, tá ið mentanarvika var í kommununi. Tey gjørdu framførslur og listaframsýning útfrá sanginum - Kvøða til sóknina. Vøggustovubørn, barnagarðsbørn og skúlabørn, hava havt eitt sera gott og stuttligt samstarv.

Vit hava fingið bræv frá Elinborg og Sigrid, sum búgva í Hoyvík. Tær eru BFF, tað vil siga allarbestu vinkonur, sum dáma væl at lesa, spæla borðspøl og at sova saman.

Vit vitja vón sum er 6 ár

Maria og Ludvík eru systkinabørn og tey spæla badminton. Tey halda badminton eru ein góð ítróttargrein og tað halda systkin teirra eisini.

Mira gongur til skótar í KFUM. Hon hevur boðið barnaútvarpinum við á skótafund og fer at greiða fra.

Næmingar í frískúlanum í Havn syngja og kvøða til morgunløtu.

Natasja seymar føstulávintsbúnar. Hon hevur verið á skeið saman við mammuni og systrini.

Tá ið næmmingar í 3.flokki í skúlanum á Fløtum vóru lidnir í skúlanum og fóru oman í Steinatún at bíða eftir bussinum, sóu teir ein mann liggja inni í kioskini í Steinatúni. Teir ringdu so 112. Eisini fara vit á politistøðina at spyrja, hvussu vit skulu gera, tá ið onkur er í neyð og vit skulu ringja 112.

Tað er stuttligt at ganga til bogaskjóting, siga Óli, Natasja og Gunnar Lukas. Tey ganga til bogaskjóting í felagnum, sum eitur - Vágaskot

Vit eru í musikkskúlanum á Giljanesi. Tey fara skjótt til Íslands at ferðast og tey spæla fleiri konsertir.

Vit eru í Klaksvíkar Tónlistaskúla, tá ið Helena, Maja, Hjørdis, Louisa venja í orkestri.

Vit eru á vitjan hjá Randarsól, sum býr í Bø. Hon eigur fleiri djór og dugir sera væl at ansa teimum og at greiða frá.

Vit hava fingið bræv frá 1.flokki í skúlanum við Løgmannabreyt. Tey eru so heppin at sleppa at rógva við teinaringinum Royður.

Hvønn morgun til føstulávint dansa næmingar í skúlanum á Giljanesi. Tey hittast við trappuna í stásiliga skúlanum, hvønn morgun klokkan 11.05. Í ár kvøða tey - Seyðamaðurin á Sondum.

Maria og Andrias eiga lomb. Tey búgva á Skála og tey bjóða okkum við at marka.

Sirið, Randi og Angela savna sær lummapening, tí tær ætlar sær til Danmarkar ein túr.

Ari er 11 ár og býr í Søldafirði. Hann hevur fleiri djór, eitt nú skeggdrekan Alvin.

Í skúlanum á Skála, syngja tey sera væl. Her er eitt nýtt skúlakór, eisini spæla tey ljóðføri.

Í dagstovninum á Hamrinum hava tey gjørt eitt cruiseskip við vælverustovu,. matstovu og mongum øðrum. Tey hava sent okkum bræv og bjóðað við. Vit eru í skúlabólkinum - Spírar.

Tveir sanglærarar hava bjóðað okkum til undirvísing í 1. flokki í skúlanum á Argjahamri

Vit hava fingið bræv frá Nes sóknar musikkskúla. Tey fáa vitjan. Tað eru Anne og Mette, sum koma á vitjan. Tær hava gjørt tónleikaverkið - Tjaldur. Og í dag fara næmingar at greiða frá og spæla konsert.

Í miðdeildini í Eysturskúlanum hava tey havt trivnaðardagar. Tey hava sungið, dansað og gjørt nógvar stuttligar og spennandi kappingar.

Vár er 12 ára gomul og býr í Kollafirði. Hon gjørdist nummar tvey í DM í inniróðri. Vit hava fingið bræv og fara at hoyra Vár greiða frá.

Í Frískúlanum á Velbastað hava tey um víkingar.

Hesa ferð eru vit heima hjá Viólu. Henni dámar væl at mála og tekna. Hon hevur tveir beiggjar, sum eita Baldur og Dávur. Vióla ætlar sær at vera listakvinna, tá ið hon verður vaksin.

Bjarki gongur í 3.flokki í Fuglafjarðar skúla. Hann fer at vísa okkum kamarið og fer at greiða frá.