Ferðavinnufelag stuðlar Salt og langhyli

23.02.2014 - 10:07
AktueltSamfelag
Ferðavinnufelag stuðlar Salt og langhyli
Suðuroyar Ferðavinnufelag hevur latið Salt-verkætlanini 220.000 krónur og langhylinum í Vági 150.000 krónur.
 

Stuðulin til Salt-verkætlanina skal nýtast til at løna einum fólki at fyrireika og marknaðarføra Saltsiluna á Drelnesi, sum eftir ætlan skal vera liðug um eitt ár.

Stuðulin til langhylin í Vági skal nýtast til eitt nú dampbað, hitarúm ella klatriborgir í hylinum, sum eftir ætlan letur upp á jóansøku í ár.

Tað eru kommunurnar í Suðuroy, sum standa fyri Suðuroyar Ferðavinnufelagi.

Endamál felagsins er millum annað at menna og samskipa ferðavinnuna í Suðuroy, og at stuðla undir og menna ferðavinnufremjandi tiltøk í oynni.

Stuðulin, sum ferðavinnufelagið umsitur, kemur  fyrst og fremst frá kommunum í oynni, sum gjalda 37 krónur um árið fyri hvønn íbúgva í limagjaldi. Landið hevur seinastu tvey árini latið 240.000 krónur um árið til felagið.

Harumframt rinda privat feløg limagjald.

 
Nýggjastu sendingar í ÚV
Fríggjadag 24. januar
Pressan: Betri miðlar - fleiri lýsingar
103834
Fríggjadag 24. januar
Morgunlesturin fríggjamorgunin 24. januar 2020
103001
Hósdag 23. januar
Breddin
103802
Hósdag 23. januar
Nón 23. januar 2020
103798
Nýggjastu sendingar í SV
Fríggjadag 24. januar
Hyggjuráðið
103852
Hósdag 23. januar
Sí stuttfilmin: "Ikki illa meint"
103763
Mikudag 22. januar
25 minuttir: Tim Birkhead
103726
Mánadag 20. januar
3-2
103616