Tunnilsmálið: Ikki fleiri avhoyringar

bannari
01.12.2014 - 12:51
AktueltSamfelag
Tunnilsmálið: Ikki fleiri avhoyringar
Hans Gammeltoft-Hansen, kanningarstjóri, hevur boðað frá, at alt samskiftið, spurningar og svør, nú er skrivligt
 
 

Hans Gammeltoft-Hansen, sum kannar málið um privata Eysturoyartunnilin fyri løgtingið, hevur ikki biðið nakran av teimum, hann hevur spurt um málið, koma aftur í Dómhúsið í Havn í dag ella í morgin.

Kári P. Højgaard, fyrrverandi landsstýrismaður, og Kaj Leo Holm Johannesen, løgmaður, sum verða kannaðir, og hini, sum eru spurd um málið, vóru annars biðin um at seta kross í álmanakkan 1. og 2.desember.

Møguliga skuldu tey hava fleiri spurningar frá kanningartoyminum. 

Men síðani hevur Hans Gammeltoft-Hansen boðað frá, at alt samskiftið, spurningar og svør, nú er skrivligt.

Nógvir spurningar til Rune Bro Róin

Rune Bro Róin í CIP, Copenhagen Infrastructure Partners, fekk 5.november eina rúgvu av spurningum frá Hans Gammeltoft-Hansen, kanningarstjóra. Hann fekk freist til 15.november at svara.

Rune Bro Róin varð millum annað spurdur um fundirnar, sum hann hevði við løgmann 26. og 27.juni. Hann tosaði eisini í telefon við løgmann 24.juni.

Hans Gammeltoft-Hansen fer at almannakunngera bæði spurningarnar og svørini hjá Rune Bro Róin, tá liðugt er at spyrja og svara, tí allar hinar avhoyringarnar hava verið almennar.

Nýggjastu sendingar í ÚV
Mánadag 24. september
Ergidalur, svartfuglabann og laksafiskiskapur
85679
Mánadag 24. september
Morgunlestur mánadagur 24. september 2018
85417
Sunnudag 23. september
Meg minnist: Jákup Mikal Mikkelsen (2:2)
85431
Sunnudag 23. september
Guðstænasta í Haldórsvíkar kirkju
85660
Nýggjastu sendingar í SV
Sunnudag 23. september
Andaktin
85659
Týsdag 18. september
25 minuttir: Todi Jónsson
85504
Mánadag 17. september
3-2
85464
Sunnudag 16. september
Guðstænasta úr Vesturkirkjuni
85398
Leygardag 15. september
Andaktin
85382