Taka væl ímóti ætlaðum filmshúsi

14.03.2017 - 15:53
MentanLeiklist
Taka væl ímóti ætlaðum filmshúsi
Eitt uppskot hjá landsstýrismanninum um at seta á stovn eitt filmshús fær góða móttøku. Nøkur tingfólk ivast tó í, um málsøkið liggur í skeivum ráði
 
 

Uppskotið hjá Poul Michelsen, landsstýrismanni, um at seta á stovn filmshús fær sum heild góða undirtøku í tinginum, men summi tingfólk seta spurnatekin við, um tað er rætt, at málsøkið liggur bæði hjá Uttanríkis- og vinnumálaráðnum og Mentamálaráðnum.

Ein millión krónur er sett av á fíggjarlógini í ár til filmshús á kontu hjá Uttanríkis- og vinnumálaráðnum. Undir Mentamálaráðnum eru tvær milliónir krónur játtaðar í ár til stuðul til mentan, film og list.

SÍ EISINI Uppskot um Filmshúsið til hoyringar

Sambært uppskotinum skal Filmshúsið savna og miðla vitan um film, filmsvinnu og filmsførleikar í Føroyum, so at bæði føroyskar og útlendskar framleiðslur kunnu verða settar í verk.

Í fyrstuni verður ikki stórur tørvur á hølum til Filmshúsið. Nóg mikið er við einari skrivstovu til leiðaran umframt atgongd til fundarhøli. Arbeitt verður fram ímóti, at virksemið hjá Filmshúsinum verður saman við filmsverkstaðnum Klippfiski.

Skotið verður upp at seta eitt stýri fyri Filmshúsið, sum landsstýrismaðurin tilnevnir, og Filmshúsið skal hava sjálvstøðuga játtan á figgjarlógini. Uppskotið um filmshúsið er farið í vinnunevndina til viðgerðar.

Nýggjastu sendingar í ÚV
Leygardag 21. juli
Morgunlestur leygardagin 21. juli 2018
82861
Leygardag 21. juli
Frítíð og náttúra (3:4)
83444
Fríggjadag 20. juli
Summartímin hósdagin 19. juli
83505
Nýggjastu sendingar í SV
Leygardag 14. juli
Video: Vestanstevna 2018, 10mf
83337
Leygardag 14. juli
Video: Vestanstevna 2018, 5mf kvinnur
83336
Leygardag 14. juli
Video: Vestanstevna 2018, 8mf
83335
Leygardag 14. juli
Video: Vestanstevna 2018, 6mf menn
83334