Vænta eini 40 hoyringarsvar um nýskipan

bannari
29.03.2017 - 09:30
AktueltPolitikkur
Vænta eini 40 hoyringarsvar um nýskipan
Fiskimálaráðið hevur higartil fingið 33 hoyringssvar um nýskipanaruppskotið, ið landsstýrið legði fram á tíðindafundi 6. mars, upplýsir Høgni Hoydal
Mynd: Savnsmynd  
 
 

Nýskipanaruppskotið var sent til almenna hoyring í tríggjar vikur, og freistin at svara var formliga úti á midnátt mánakvøldið. Men sambært landsstýrismanninum í fiskivinnumálum eru nøkur hoyringarsvar afturat á veg, og tey verða eisini tikin við. 

Tí væntar landsstýrismaðurin at hava okkurt um 40 hoyringarsvar at arbeiða við, nú hann skal orða lógaruppskot at leggja fyri tingið. Sambært Høgna Hoydal er ein reyður tráður í hoyringarsvarunum, at stór mótstøða er móti fiskivinnupolitikkinum hjá landsstýrinum.

Óvist hvussu viðmerkingar verða brúktar

- Mótstøða er ímóti kvotunum, ímóti uppboðssøluni, ímóti anti-trust reglunum, ímóti økiskvotunum og ímóti at loysa rættindi frá stálinum, segði Høgni Hoydal á almennum kjakfundi á Toftum í gjárkvøldið.

Landsstýrismaðurin í fiskivinnumálum, Høgni Hoydal, ætlar sær at brúka hesa vikuna til at ganga ígjøgnum og viðgera innkomnu hoyringarsvarini. Hann veit ikki enn, í hvønn mun atfinningarnar í hoyringarsvarunum verða tiknar við í uppskotið, ið verður lagt fyri tingið.

- Har viðmerkingarnar stuðla undir yvirskipaða fiskivinnupolitikkin hjá landsstýrinum, fara vit sjálvandi at rætta lógaruppskotið eftir tí, sigur Høgni Hoydal.

Nýggjastu sendingar í ÚV
Mikudag 21. februar
Jazzofonin 14. februar 2018
77837
Mikudag 21. februar
Radarin: Fólkaræði og Brexit
77836
Mikudag 21. februar
Tabu í bókmentum flyta mørk
77835
Mikudag 21. februar
Tematýsdagur um málmenning hjá børnum
77827
Mikudag 21. februar
Morgunlestur mikudagur 21. februar 2018
77560
Nýggjastu sendingar í SV
Mánadag 19. februar
3-2
77770
Sunnudag 18. februar
Andakt við Jógvani Højgaard
77724
Sunnudag 18. februar
Møti úr Emmaus í Klaksvík
77710
Leygardag 17. februar
Hondbóltur: Kyndil - H71
77693