Útflutningurin vaks 250 mió. fyrsta ársfjórðing

19.05.2017 - 15:07
AktueltSamfelag
Útflutningurin vaks 250 mió. fyrsta ársfjórðing
Sild og makrelur gera stóran mun í úflutningstølunum
Makrelurin gav 162 mió. kr. meira í ár og sildin 120 mió. kr.
Mynd: Savnsmynd  
 
 

Føroyar útfluttu fyri 2,2 mia, kr. í fyrsta ársfjórðingi í ár.

Tað eru 250 milliónir meira enn í fjør.

Sambært Hagstovuni gera sild og markrelur stóran mun í ár. Makrelurin gav 162 mió. kr. meira í ár og sildin 120 mió. kr.

Útflutningurin av laksi er vaksin í virði, men nøgdin er minkað nakað, so prísurin er betri í ár. 

Alilaksur 40 prosent

Alilaksur var oman fyri 40 prosent av føroyska útflutninginum í fyrsta ársfjórðingi. Laksur varð útfluttur fyri 895 mió. kr. 

Innflutningurin í fyrsta ársfjórðingi var nakað minni enn útflutningurin.

Vit innfluttu sambært Hagstovuni fyri eina milliard og 850 milliónir krónur, tað er fyri 350 milliónir minni enn vit útfluttu fyri.
 

Nýggjastu sendingar í SV