Vil vita meira um setanina

Nú vil hann hava at vita frá Kristinu Háfoss, landsstýriskvinnu, um uppgávan varð boðin út millum ráðgevar og tá, hvussu nógvir ráðgevar og ráðgevaravirki bjóðaðu. 

Hann vil eisini hava at vita, hvussu stórur munur var á tilboðunum. Um uppgávan ikki varð boðin út, vil Bjørn Kalsø hava at vita, hví so var. 

Bjørn Kalsø, tingmaður, sigur, at fyri ikki so langari tíð síðani varð almennur keypsportalur settur á stovn.

SÍ EISINI Kostaði 90.000 at søkja eftir stjóra

Leiðreglur vórðu tá gjørdar um, hvussu almennir myndugleikar skulu bera seg at, tá brúk er fyri tænastum uttanífrá. 

Tað hevði tí verið áhugavert at fingið at vitað, hvønn politikk Fíggjarmálaráðið og stovnar undir ráðnum hava á hesum øki, sigur Bjørn Kalsø, løgtingsmaður. 

Í gjár varð upplýst, at tað kostaði landskassanum 90.500 krónur umframt meirvirðisgjald at søkja eftir stjóra til Landsbankan.

Vil vita um arbeiðið varð boðið út

Ein uttanhýsis ráðgevi, ráðgevarafyritøkan Metis hjá Ingibjørg Berg, sum var kommunustjóri í Havn, varð fingin at lýsa starvið leyst og seta tað. 

Í svari til Bjørn Kalsø, løgtingsmann, segði Kristina Háfoss, landsstýriskvinna, at Landsbankin hevur upplýst, at nevnd bankans hevur nýtt konsulent við drúgvum royndum í starvsseting til stjórasetanina. 

Konsulentarbeiðið fevndi um at lýsa stjóraprofilin, gera og uppseta starvslýsingina, lýsingarpláss í miðlunum, test av umsøkjarum og sjálva setanina. Nú vil Bjørn Kalsø hava at vita, um hetta konsulentarbeiðið varð boðið út.