- Tíðindi, mentan og ítróttur
Orðingin má broytast
Tað sigur Vinnuhúsið í sínum hoyringarsvari um uppskotið um kunngerðina hjá Innlendismálaráðnum.
Fyri at forða fyri, at rotta kemur í tær oyggjar, har eingin rotta er, stendur í uppskotinum, at vøra og farmur, sum skal sendast til rottufría oyggj, skal vera nýpakkað og má ikki goymast úti.
SÍ EISINI Gamla kunngerðin dagførast
So stendur eisini, at avskiparin skal skrivliga leggja váttan við, at vøran er eftirkannað fyri rottu síðstu tveir tímarnar undan avskipan. Tað er hetta, sum Vinnuhúsið vil hava strikað.
Vinnuhúsið sigur, at flestu førum verða sendingar gjørdar til reiðar í góðari tíð á rottufríum goymslum. Summar fyritøkur hava eitt ótal av sendingum hvønn dag.
Skal ásetingin í kunngerðini um skrivliga váttan og tveir tímar haldast, fer umsitingarliga byrðan at vaksa bæði í tíð og pengum.Og so verður dýrari at flyta vøru og farm til rottufríu oyggjarnar. Tær eru sjey í tali.