Eingin tjóðarsemja verður um stjórnarskipan

bannari
16.08.2017 - 15:17
AktueltPolitikkur
Eingin tjóðarsemja verður um stjórnarskipan
Sambandsflokkurin tekur ikki undir við stjórnarskipanini og mælir fólki frá at taka undir við uppskotinum á sosialu miðlunum og í Sosialinum
 
 

Sambandsflokkurin tekur ikki undir við stjórnarskipanini, tí tað er at spæla hasard við føroyingum.

Í heilsíðulýsing í Sosialinum og á sosialu miðlunum mælir Sambandsflokkurin fólki frá at taka undir við stjórnarskipanaruppskotinum hjá løgmanni.

Tí er einki, sum bendir á, at tjóðarsemja fæst um stjórnarskipanina, sum eftir ætlan skal til fólkaatkvøðu flaggdagin næsta ár.

Tað hóvar ikki Sambandsflokkinum, at stjórnarskipanin skal standa undir liðini á donsku Grundlógini, sum løgmaður alment hevur ført fram.

Onnur hava ført fram, at stjórnarskipanin skal vera oman fyri Grundlógina.

- Tað letur seg ikki gera, uttan at Føroyar fara úr Ríkinum og ríkisfelagsskapinum, heldur Sambandsflokkurin.

Sambandsflokkurin vil halda seg til Grundlógina, tí hon tryggjar føroyingum ríkisborgaraskap og hópin av ríkisborgararættindum.

- Kemur sonevnda stjórnarskipanin til fólkaatkvøðu næsta ár, er talan um eitt álvarsligt val, ið fær ávirkan á teg og tínar eftirkomarar í alla framtíð, skrivar Sambandsflokkurin í áheitanini til allar føroyingar.

Nýggjastu sendingar í ÚV
Sunnudag 24. juni
Chorus
82586
Sunnudag 24. juni
Guðstænasta í Vágs kirkju
82585
Leygardag 23. juni
HM tíðindi 23. juni 2018
82572
Nýggjastu sendingar í SV
Mánadag 25. juni
Blank 8
82133
Sunnudag 24. juni
Møti úr Vitninum í Hvalba
82600
Sunnudag 24. juni
Andaktin
82597
Leygardag 23. juni
Video: Jóansøka 2018, 10mf
82582
Leygardag 23. juni
Video: Jóansøka 2018, 5mf kvinnur
82581