Prísurin á sild lækkaði á uppboðssøluni

14.09.2017 - 15:51
AktueltVinna
Prísurin á sild lækkaði á uppboðssøluni
Prís á afturlatnu uppnoðssøluni var 34 oyru lægri fyri kg, enn á uppboðssøluni týsdagin. Svartkjaftaprísurin var tann sami, 23 oyru fyri kg
 
 

Prísurin á norðhavssild lækkaði á afturlatnu uppboðssøluni í dag, samanborið við prísin á opnu søluni týsdagin.

Í dag var prísurin 1,20 kr fyri kg, men prísurin týsdagin var 1.54 kr fyri kg, ella 34 oyru minni.

Svartkjafturin varð seldur fyri sama prís sum týsdagin, 23 oyru fyri kg.

Seld vórðu 9.000 tons av norðhavssild fyri 10,8 milliónir kr og 9.000 tons av svartkjafti fyri góðar 2 milliónir kr. Tilsamans gav sølan í dag slakar 13 milliónir kr.

Fimm skip keyptu norðhavssildina: Borgarin 3.000 tons, Hoyvík 2.600 tons, Næraberg 1.500 tons, Norðingur 1.500 tons og Fagraberg 400 tons.

Fimm skip keyptu eisini svartkjaftin: Borgarin 2.500 tons, Jupiter 2.000 tons, Tummas T 2.000 tons, Norðingur 1.500 tons og Næraberg 1.000 tons.

Higartil hevur landskassin fingið einar 110 milliónir kr fyri sølu á uppboðssøluni.

Seinastu uppboðssølurnar av fiskirættindum á hesum sinni vera týsdagin 19. september og hósdagin 21. september. 

Nýggjastu sendingar í ÚV
Nýggjastu sendingar í SV
Leygardag 14. juli
Video: Vestanstevna 2018, 10mf
83337
Leygardag 14. juli
Video: Vestanstevna 2018, 5mf kvinnur
83336
Leygardag 14. juli
Video: Vestanstevna 2018, 8mf
83335
Leygardag 14. juli
Video: Vestanstevna 2018, 6mf menn
83334