Arbeiðsgevarar: vit hava øll goldið ov nógv

23.10.2017 - 07:06
AktueltPengar
Arbeiðsgevarar: vit hava øll goldið ov nógv
Føroya arbeiðsgevarafelag heldur, at inngjaldið til Barsilsskipanina hevur verið ov stórt. Nú skal øll barsilslógin endurskoðast, sigur felagið
Vinnuhúsið mælir frá at gera fleiri smáar broytingar í barsilslógini. Í staðin fyri skal øll lógin endurskoðast.
 

Inngjaldið til Barsilsskipanina hevur verið og er ov stórt, nú ætlanin er at leingja barsilstíðina. 

Tað sigur Føroya arbeiðsgevarafelag um ætlanina hjá landsstýrinum at broyta lógina um Barsilsskipanina.

Um tað veruliga er so, at rúmd er fyri longdum barsilstíðarskeiði, er tað ein staðfesting av, at inngjaldið til skipanina hevur verið ov høgt, siga arbeiðsgevararnir í hoyringarsvari sínum.

Arbeiðsgevarafelagið mælir frá at broyta skipanina.

Broytingar uttan endamál

Seinastu árini er barsilslógin broytt ógvuliga ofta, uttan at tað tykist vera nakað yvirskipað endamál við broytingunum.

Lógin krevur nú at verða endurskoðað øll, sum hon er, og gerast meira liðilig hjá foreldrunum.

Arbeiðsgevarafelagið heldur tað eisini vera løgið at taka fólk av arbeiðsmarknaðinum nú, ringt er at fáa fólk.

Harafturat fremur uppskotið ikki javnstøðuna á arbeiðsmarknaðinum. 

Um vit vilja tað ella ikki, so er tað ein sannroynd, at tað eru kvinnurnar, sum taka meginpartin av barnsburðarfarloyvinum. 

Við ætlaðu broytingini vera tær uppaftur longri av arbeiðsmarknaðinum, hvørja ferð tær eiga eitt barn, sigur Føroya arbeiðsgevarafelag.

Felagið leggur afturat, at felagið áður hevur víst á, at bæði foreldur eiga at hava rætt til frítt at býta barnsburðarfarloyvið millum sín.

Saknar upplýsingar

Føroya arbeiðsgevarafelag saknar eisini upplýsingar um umsitingarútreiðslurnar hjá Barsilsskipanini og, hvussu framrokningarnar av fíggjarliga rásarúminum í Barsilsgrunninum eru gjørdar.

Samanumtikið mælir Føroya arbeiðsgevarafelag frá ætlaðu broytingini hjá landsstýrinum.

Felagið mælir í staðin til, at øll barsilslógin verður endurmett.

Landsstýrið ætlar at leingja barnsburðarfarloyvið tvær vikur næsta ár.
 

 
Nýggjastu sendingar í ÚV
Leygardag 19. oktober
Eru vit í ætt við indianarnar?
99313
Leygardag 19. oktober
Leygardagur 19. Oktober 2019
100065
Leygardag 19. oktober
Morgunlestur leygardagur 19. oktober 2019
99849
Nýggjastu sendingar í SV
Hósdag 17. oktober
Flaggsigling 2019 1:2
100020
Mánadag 14. oktober
3-2
99875
Sunnudag 13. oktober
Andakt við Mourits Mouritsen
99826
Sunnudag 13. oktober
Guðstænasta úr Argja kirkju
99828
Hósdag 10. oktober
Suni Merkistein hittir Bob Geldof
99745