Fyritíðarpensjónistar gjalda minni fyri heilivág

Fyritíðarpensjónistar fáa nú sama rætt sum fólkapensjónistar til egingjald fyri heilivág. 

Egingjaldið hjá fyritíðarpensjónistum lækkar 742,50 um árið. Tað verður í mesta lagi 1.317,35 kr. um árið.

Ein lógarbroyting, sum loyvir hesum, er send til hoyringar.

Verður lógarbroytingin samtykt í løgtinginum, kemur hon í gildi 1.mai næsta ár.