Gomul uppskot til viðgerðar á nevndarfundi

02.01.2018 - 10:36
AktueltPolitikkur
Gomul uppskot til viðgerðar á nevndarfundi
Fyrsti nevndarfundur í løgtinginum verður í morgin. Rættarnevndin viðger mál, sum eisini vóru í tinginum í farnu tingsetu
Løgtingð byrjar aftur í morgin við nevndarfundi.
 

Fyrsti fundurin í løgtinginum í nýggja árinum verður seinnapartin í morgin, tá Rættarnevndin hevur fund um mál, sum øll eisini vóru í tinginum í farnu tingsetu.

Nevndin skal viðgera uppskotið hjá Sonju Jógvansdóttur um at banna mismuni og tryggja javnviðgerð á arbeiðsmarknaðinum. 

Hetta uppskotið datt burtur í farnu tingsetu.  

Rættarnevndin hevur havt hetta uppskotið síðani 25.oktober. 

Nevndin skal eisini viðgera uppskotið um, at Kommunala eftirlitið skal hava møguleika at seta tiltøk í verk móti kommunalum samstørvum.

Eisini samstørv

Uppskotið hjá Sirið Stenberg, landsstýriskvinnu, datt somuleiðis burtur í farnu tingsetu.

Innlendismálaráðið, har sum Kommunala eftirlitið er, kann sambært lógaruppskotinum ógilda avgerðina hjá einum kommununalum samstarvi, fyribils taka avgerðina av, áleggja kommunustýrislimum tvingsilssektir og saksøkja eftir endurgjaldi, um Innlendismálaráðið ikki góðtekur eina avgerð hjá kommunalum samstarvi.

Hetta uppskotið hevur Rættarnevndin havt síðani 29 september.

Feld í fjør

Og uppskotini hjá Fólkaflokkinum um at yvirtaka kortmyndugleikan og verja uppmátingarmerki, sum fullu í farnu tingsetu, eru aftur í tinginum.

Hósdagin hava Uttanlandsnevndin og Útnorðurráðið fund.

Fyrsti løgtingsfundurin í 2018 er ikki lýstur enn. 

 
Nýggjastu sendingar í ÚV
Mikudag 3. juni
Nón 3. juni 2020
109675
Mikudag 3. juni
Lív og virki Frank Mangs
109656
Týsdag 2. juni
LEITISSTEIN 01.06.2020 (Goes Gospel)
109628
Týsdag 2. juni
Breddin
109627
Nýggjastu sendingar í SV
Mánadag 1. juni
Andakt við Emil Olsen, presti
109624
Mánadag 1. juni
Guðstænasta úr Fuglafjarða kirkju
109572
Sunnudag 31. mai
Andakt við Emil Olsen, presti
109555
Sunnudag 31. mai
Guðstænasta úr Glyvra kirkju.
109558