Hóttir við at avlýsa toppfundin

16.05.2018 - 09:35
AktueltPolitikkur
Hóttir við at avlýsa toppfundin
Norðurkorea hóttir við at avlýsa toppfundin millum norðurkoreiska leiðaran, Kim Jong-un og amerikanska forsetan, Donald Trump
 

Orsøkin er ein hernaðarvenjiing, sum amerikanarar halda saman við Suðurkorea. Tað skrivar suðurkoreiska tíðindastovan, Yonhap, sambært AFP.

Norðurkorea sigur, at tað hevur einki annað í at velja enn at avlýsa samráðingarnar við Suðurkorea, sum skuldu verða í dag, tí USA og Suðurkorea hava felags hernaðarvenjing.

Almenna norðurkoreiska tíðindastovan sigur hetta verða ágangandi framferð.

Trump og Kim Jong-un skulu eftir ætlan hittast í Singapore 12. juni. 

Viðurskiftini batnað

Í 2017 var ísakalt millum NorðurKorea og USA, eftir at Norðurkorea fleiri ferðir ikki aktaði boðum frá USA og altjóða samfelagnum, men helt fram við at royndarspreingja og royndaskjóta skotrakettir. 

Tað fekk millum annað Donald Trump til at hótta við at trýsta á kjarnorkuknøttin og fara í kríggj móti landinum.

Síðani eru viðurskiftini millum londini batnað, og norðurkoreiski leiðarin hevur bøtt um samskiftið við USA og við SuðurKorea.

Samtykt

Kim Jong-un hitti millum annað suðurkoreiska forsetan, Moon Jae-in, á søguligum toppfundi millum koreisku leiðararnar í síðsta mánað.

Tá skrivaðu leiðararnir báðir undir samtykt um, at teir skulu arbeiða fyri at eingi kjarnorkuvápn skulu vera á koreisku hálvoynnu.

Kim Jong-un og Moon Jae-in fevndust, eftir at teir høvdu skrivað undir avtaluna, har teir samdust um at fáa varðandi og haldgóðan frið millum londini bæði.

Síðani hevur ameirkanski forsetin sagt, at hann heldur at avtalan er dámlig, skriva Ritzau og AFP.

 

Sí eisini

18.12.18
89059
18.12.18
89058
Nýggjastu sendingar í ÚV
Mikudag 22. mai
Góðan morgun Føroyar 22. mai 2019
94751
Mikudag 22. mai
Morgunlestur mikudagur 22. mai 2019
94654
Týsdag 21. mai
Áðrenn Elvis: Synd 1
94755
Týsdag 21. mai
Góðan morgun Føroyar 21. mai 2019
94712
Nýggjastu sendingar í SV
Mikudag 22. mai
Minnist tú enn? (11:13)
23373
Mánadag 20. mai
3-2
94700
Sunnudag 19. mai
Andakt við Pól í Skorini
94638
Sunnudag 19. mai
Guðstænasta í Sjóvar kirkju
94640
Fríggjadag 17. mai
Andakt við Bergtóri Hjelm Bjarkhamar
94619