Hvast orðaskifti í trygdarráðnum

16.05.2018 - 20:13
AktueltÚtheimurin
Hvast orðaskifti í trygdarráðnum
ST-trygdarráðið viðgjørdi í gjár støðuna á markinum millum Ísrael og Gaza, har tilsamans meira enn 100 palestinar hava latið lív seinastu tíðina
Trygdarráðið hjá ST
 
 

Kuveit bað um fundin í trygdarráðnum.

Palistinski ST-eygleiðarin, Riyad Mansour, segði, at palestinar fordøma hópdrápið, sum Ísrael hevur framt í Gaza-geiranum. Hann spurdi, hvussu nógvir palestinar skulu lata lív, áðrenn nakað verður gjørt.

Ísrael skuldsetir Hamas

Ísrelski ST-sendiharrin vardi Ísrael og skuldsetti Hamas-felagsskapin fyri at gera sær dælt av støðuni hjá teimum, sum búgva í Gaza.

- Hamas eggjar til harðskap og skipar fyri, at so nógv sivilfólk, sum til ber, lata lív. Ísrael fær skyldina, og so fara palestinarar í ST at kæra, segði ísraelski ST-sendiharrin, Danny Donon. Hann spurdi, hvat onnur høvdu gjørt, um fleiri túsund fólk hóttu markið hjá sær.

Amerikanski ST-sendiharrin, Nikki Haley, rýmdi úr fundarhølinum, tá palestinski ST-eygleiðarin, Mansour, helt røðu. 

USA stuðlar Ísrael

Nikki Haley vísti aftur, at ófriðurin á markinum millum Ísrael og Gaza kyknaði, tí USA læt sendistovu upp í Jerusalem.

- Hamas hevur skyldina, og Hamas fær stuðul frá Iran, segði hon.

- Hvør hevði góðtikið slíkan atburð á markinum hjá sær. Einki land, sum er umboðað í trygdarráðnum, hevði verið so lítilátið, sum Ísrael hevur verið, segði Nikki Haley.

Løgdu veto móti kanning

Eitt uppskot frá Kuveit um eina altjóða kanning av hendingunum á markinum millum Ísrael og Gaza vann ikki frama, tí USA brúkti sýtingarrættin, sigur ABC News.

ST-aðalskrivarin, Antonio Guterres, segði í gjár, at einasta gongda leið at loysa stríðið er, at Ísrael og palestinar fáa hvør sítt land.

Fríggjadagin fer mannarættindaráðið hjá ST, eftir áheitan frá Arabisku samgonguni, at viðgera mannarættindastøðuna í palestinsku økjunum.

Nýggjastu sendingar í ÚV
Fríggjadag 18. januar
Morgunlestur fríggjadagur 18. januar 2019
89871
Hósdag 17. januar
Nón - hósdagur 17.01.19
90085
Hósdag 17. januar
Góðan morgun Føroyar 170119
90059
Hósdag 17. januar
Morgunlestur hósdagur 17. januar 2019
89869
Nýggjastu sendingar í SV
Hósdag 17. januar
HAS#TAG: Ungdómslívið (1:4)
90053
Hósdag 17. januar
Hassans hendur (2:4)
90024
Hósdag 17. januar
Bóndin (2:7)
89919
Mikudag 16. januar
Úr savninum: Føroyskt bátasmíð
90005
Mikudag 16. januar
Team Bachstad á ferð (3:6)
90014