Bjargingarroyndin heldur fram

10.07.2018 - 10:11
AktueltÚtheimurin
Bjargingarroyndin heldur fram
Bjaringararbeiðið í Teilandi fyri at bjarga einum fótbóltsliði úr einum helli heldur fram i dag.
 

12 dreingir og venjari teirra vórðu 23. juni innibyrgdir í einum helli, tá tað fløddi.

Seinastu dagarnar hava kavarar bjargað átta dreingjum út. Og í dag er ætlanin at fáa hinar dreingirnar og venjaran úr hellinum.

Danski journalisturin, Stephanie Surrugé, sum arbeiðir hjá DR, er stødd í økinum, har bjaringararbeiðið er.

Hon greiddi frá í morgunsendingini í útvarpinum í morgun, at myndugleikarnir eru bjartskygdir, men at tað møguliga kann taka tveir dagar at bjarga teimum síðstu fimm úr hellinum. 

Støðan hjá teimum bjargaðu er eftir umstøðunum góð, segði Surrugé. Allir liggja á sjúkrahúsi, men teir, sum vórðu bjargaðir fyrst, eru betri fyri, enn teir, sum vórðu bjargaðir í gjár. 

Ein serstøk deild er gjørd á sjúkrahúsinum, sum dreingirnir liggja á, og teir hava enn ikki havt samband við familjurnar. 

- Dreingirnir hava tað eftir umstøðunum gott. Hóast teir eru lúgvaðir, so hava teir tó havt orku til at biða um yndismatin á sjúkrahúsinum, so lagið er gott, segði Stephanie Surrugé við morgunsendingina í morgun. 

 
Nýggjastu sendingar í ÚV
Hósdag 21. november
Breddin
101309
Hósdag 21. november
Nón - 21. november 2019
101307
Hósdag 21. november
Katrin Sørensen er gestur í Dansivali
101296
Hósdag 21. november
Áðrenn Elvis: Gleði og kæti
101291
Hósdag 21. november
Góðan morgun, Føroyar 21. november 2019
101286
Nýggjastu sendingar í SV
Sunnudag 17. november
Møti úr Vón í Skopun
101160
Leygardag 16. november
Andakt við Jørgen Andreasen
101148
Mánadag 11. november
3-2
100936